Löngu fyrirséð.

   Þetta kemur ekki á óvart, því fyrir löngu er séð að þetta yrði þungt í vöfum þetta stjórnarsamstarf.  Mjög ólíkar áherslur milli þessara tveggja flokka.  Eina sem hefur haldið þeim saman eru áhyggjurnar af því að Sjálfstæðismenn kæmust til valda aftur.  Allt hefur verið gert og öllu kostað til þess að halda þeim frá völdum.  Nú er augljóst orðið að VG. vill ekki neinar aðgerðir að nokkru tagi til að efla atvinnulífið að einhverju tagi, þeir hugsa eingöngu um að verja Ríkisbáknið með öllum mætti og helst efla það.  Samfylking spilar með og þenur út kerfið í samstarfi við VG. en eiga litla möguleika á að finna arðbærar framkvæmdir til að fjármagna alla þennsluna í kerfinu sem þeir og VG. standa fyrir!

Biðla til Framsóknarmanna

Slæmar fréttir betri en engar fréttir.

   Í þessum "bransa" virðist sem að hverskyns fréttir héðan af skerinu séu betri en engar.  Þetta er svo sem ekkert nýtt, en auðvitað eigum við að nýta okkur allt umtal varðandi Ísland og nýta okkur það á jákvæðan hátt.  Þetta er eins og með allt "gossip" hvar sem er, alltaf er hægt að gera mat því sem öllu öðru. 

Efnahagshrun eykur áhuga

Sterkur framboðslisti Sjálfstæðisflokks í Reykjavík.

   Úrslit í prófkjöri Sjálfstæðisflokknum í Reykjavík liggja fyrir, og ljóst að listinn er feiknasterkur, hjá því verður ekki litið framhjá.  Inn koma nýir fulltrúar og fyrrum borgarstjóri hverfur af listanum.  Hanna Birna Borgarstjóri hefur haft feiknargóð tök á málum í borginni það sem af er á kjörtímabili hennar.  Með henni starfa reyndir fulltrúar sem áfram munu starfa með hagsmuni borgarbúa að leiðarljósi.  Júlíu Vífill, Kjartan Magnússon og Þorbjörg Helga koma þar á eftir henni, fólk sem hefur getið sér gott orð í borginni og haft í einu og öllu hagsmuni borgarbúa að leiðarljósi.  Miklu máli skiptir að borgarbúar tryggi Sjálfstæðisflokknum meirihlutann í borginni í vor, þar sem nauðsyn krefur á þessum tímum að stjórnmálamenn tali ekki hver í sína áttina, heldur nái að koma sér saman heilsteyptir í aðgerðum um  hvaða efnur og áherslur eigi að vinna eftir á næstu misserum.  Öllu máli skiptir að gætt verði aðhalds í fjármálum borgar og tilraunaverkefni af ýmsu tagi látin bíða betri tíma og gætt verði að því að Ríkisvaldið nái ekki tökum á Borgarkerfinu með ýmsum af sínum kröfum sem krefjast gætu þurft auknar álögur á Borgarbúa, nefni t.a.m. ævintýrið í kringum Tónlistarhöllina ofan í höfninni og fl.

Hvað hafa Spánverjar fram að færa?

   Spánverjar eru í Evrópusambandinu, samt er þar gríðarlegt atvinnuleysi.  Atvinnuleysið verður ekki leyst með inngöngu í ESB, engin trygging er fyrir því.  Engin trygging er fyrir því að Ísland fái bestu samninga í viðræðum við Sambandið með því að samþykkja ICESAVE samningana!  Undarleg ummæli frá þessum Spánverja, en þetta sýnir þó að við höfum ekki staðið okkur vel í að kynna okkar hliðar á málinu fyrir erlendum aðilum, og jafnvel ekki hér innanlands heldur!  Almenningur virðist ekki átta sig á lagalegum hliðum þessa máls, hvorki hér né erlendis.  Þeir sem virðast mæla fyrir þessum hlutum eru helst hagfræðingar, viðskiptafræðingar og stjórnmálafræðingar, en minnst hefur farið fyrir því að hlustað sé á rök Lögfræðinganna í þessu.  Kannski skiljanlegt því að þeir hafa áttað sig á að í þessum málum eru fá lagaleg rök fyrir því að Íslensk alþýða eigi einhverjar lagalegar skyldur til að greiða upp skuldir útrásarfyrirtækjanna.

Athyglisverð ummæli frá Hollendingnum.

   Þarna koma nú fram ummæli frá manni sem starfar innan Hollenska embættiskerfisins.  Spurningin hvort Íslenskir fjölmiðlar hafi áhuga á ummælum sem þessum þ.e. aðrir en mbl.is.  Nú skiptir máli að kynna málin vel fyrir erlendum fjölmiðlum og skýra málstað okkar með sem bestum hætti.

Verða að lækka Icesave-kröfuna

Muna að skrifa undir á INDEFENCE.IS

   Nú ríður á að fólk skrifi undir kröfu um þjóðaratvkæðagr. nú þegar aðeins einn dagur er eftir þangað til þjóðin missir fullveldi sitt í fjármálum þessa lands.  Eftir áramótin verður þjóðin sett undir hæl ICESAVE ánauðarinnar og auk þess taka við tímar aukinna skatta og hærri álagna af öllu tagi og allt þetta síðan staðfest af Forseta vorum Ólafi Ragnari Grímssyni.  Nú getur maður auðveldlega sagt þegar allt er yfirstaðið: GUÐ BLESSI ÍSLAND!

Bjóða eiðsvarinn vitnisburð

Skýr niðurstaða.

   Ljóst að almenningur vill sjá þetta mál fellt á þingi, og málið látið standa eins og það er nú!  Ekki á að vera hægt að sniðganga hverja atkvæðagr. á fætur annarri í þessu máli, nú er líka í ganga atkv.gr. á vegum Indefence og niðurstaða mun verða skýr þar líka í þessu máli ef allt fer á versta veg á þingi.  Spurningin er einungis sú hvort alþingismenn ætli að vera samkvæmir sjálfum sér í þessu máli, eða láta ESB "elítuna" ráða ferðinni!!

70% vilja hafna Icesave

Spegillinn leitar álits á Icesave hjá stjórnmálafræðingi!

   Í útvarpinu leitaði áðan Spegill útvarpsins álits á því hvað verður um Icesave málið.  Eins og svo oft áður var til svara fulltrúi Ríkisstjórnarinnar og Evrópusinninn Gunnar H. Kristinssyni prófessor hjá HÍ.  Það sem hann hafði í raun fram að færa var einfaldlega það, að Icesave málið yrði að hans mati samþykkt og Forseti vor myndi ekki geta annað en skrifað undir, enda Forseti vor í vondum málum nú þegar og hefði ekki lengur mikið bakland.  Einnig benti Prófessorinn á að í öðrum löndum væru svona mál ekki afgreidd  í þjóðaratkvæðagr. eins og t.d. í Danaveldi!  Þessi mikli fræðimaður nefndi í raun enga ástæðu fyrir því að þetta mál ætti í raun að komast í hendurnar á alþýðunni í landinu, fyrir því væri engin þörf að hans mati! Og það þótt verið væri að veðsetja þjóðina í hendur erlendra aðila! Prófessorinn leggur svo Forsetanum leikreglur og hvetur hann til að samþykkja málið eða halda sig erlendis og láta aðra handhafa Forsetavalds sjá um málið.  Nú verður það sp. hvernig stjórnmálarefurinn á Bessastöðum snýr sér í málinu.  Mun hann hlaupast á brott eða mun hann koma á óvart og sýna nýja hlið á sér í þessu máli og vera sjálfum sér samkvæmur?

Yfir 20.000 manns vilja þjóðaratkvæðagr. um ICESAVE !

   Á heimasíðunni Indefence.is hafa yfir 20.000 manns skrifað undir að Forsetinn riti EKKI undir lögin um skuldsetningu þjóðar til handa Bretum og Hollendingum, heldur setja málið í hendur þjóðarinnar í kosningu.  Greinilegt er að fylgið við þessa málalyktan eykst dag frá degi!  Þetta mál er það stórt í augum tuga þúsunda landsmanna, að ljóst ætti stjórnmálamönnum að vera að kjósa þurfi um þetta mál í einni allsherjarkosningu, þar sem hver og einn einstaklingur þessa lands fær að ráða einhverju um framtíð sína í þessu efnahagslega samhengi.  Allir "Brussel" aðdáendur verða að fara að átta sig á að þjóðarviljinn verður að hafa sinn gang í þessu samhengi, og því verður að leyfa smá bið með að gangast í ánauðina hjá stórveldunum á meðan þjóðin fær tilfinningalegt svigrúm til að gaumgæfa málið til hlýtar.

Best að gleyma ESB að sinni.

   Það má vera ljóst að tíminn til að reyna við inngöngu í ESB er kolrangur eins og þjóðin hefur án efa áttað sig á við núverandi aðstæður.  Þjóðin hefur úr nógum verkefnum að vinna hér heima fyrir, mörg mál sem sinna þarf og þá sérstaklega hvað atvinnumál varðar.  Ríkisstjórnin getur ekki skellt skollaeyrum við neyðarópum úr samfélaginu hvað varðar uppbyggingu með nýjum stórverkefnum á sviði iðnaðar og útflutningsmálum.  Koma þarf hugmyndum í framkvæmd og það helst í gær!  ÞJóðin getur ekki beðið endalaust eftir að mál renni í gegnum nefndir og ráð þar sem hugmyndir eru "kæfðar" niður og svæfðar.  Arðbær stórverkefni verða að hafa forgang, tími athafna er runninn upp en tími hinna "lokuðu cellufunda" er liðinn!

Vilja að ESB-umsókn verði dregin til baka