Býr ekki yfir fagmannlegri kurteisi!

   Arsene Wenger tók ekki í hönd Mark Hughes þjálfara City eftir einn af hinum tilgangslausu leikjum gærkvöldsins, eins og Wenger vill kalla Deildarbikarinn á Englandi.  Þetta eru athyglisverð ummæli hjá þessum virta Hollenska Þjálfara.  Hann gefur lítið fyrir svona "sýndarleiki" eins og hann virðist telja þessa leiki vera!  Skyldi hin raunverulega skýring kannski vera sú að hann hafi einfaldlega ekki mikið úrval af leikmönnum til að spila úr? Og hvers vegna lét hann þá ekki aðstoðarþjálfarann bara mæta og hélt sig sjálfur heima? 

Hughes: Wenger kann ekki mannasiði

Athugasemdir

[Oddberg (IP-tala skráð) 3.12.2009 kl. 11:48]

Þú virðist ekki einu sinni vita að Wenger er Franskur því er lítið mark takandi á þessu blaðri þínu!

[Ívar (IP-tala skráð) 3.12.2009 kl. 12:40]

  Já, takk fyrir leiðréttinguna, ljóst að maður er orðinn heilaþveginn af umræðu um Hollendinga undanfarið!  Og gott að fá á hreint að Wenger sé franskur sem gerir hann náttúrulega að meiri vitsmunaveru en ella.

[Ólafur (IP-tala skráð) 3.12.2009 kl. 12:59]

Hinn Franski Wenger hefur allaf litið á deildarbikarinn sem tækifæri fyrir ungu leikmenn sína til að sanna sig. Fyrst um sinn voru menn ósáttir við hann en núna síðari ár hafa "alvöru" liðin á Englandi farið að taka þetta upp eftir honum með góðum árangri. Auðvitað þorði Hughes ekki öðru en að stilla upp sinni rándýru hersveit til að tryggja það að komast áfram enda ekki að fara að vinna neitt annað á þessu tímabili. Ég er alltaf jafn stoltur af því að vera Arsenalmaður þegar að guttarnir mæta til leiks. Svo er annað mál að auðvitað á karinn að taka í höndina á Hughes eftir leik.

[Maggi (IP-tala skráð) 3.12.2009 kl. 13:36]

Ég dáist að Wengar. Hver ber virðingu fyrir Mark Hughes og hans djöfulsins milljarðar liði. Gott hjá karlinum að taka ekki í höndina á honum, enda algjör óþarfi.

[Hjörtur Herbertsson, 3.12.2009 kl. 13:39]

Það er nú staðreyndin með Wenger, að hann er afskaplega mikill fýlupúki oft og tíðum. En eflaust hefur náttúrlega tapið farið í skapið á honum, og ekki hvað síst hvernig Hughes hagaði sér á hliðarlínuni, maður hélt að hanni væri orðinn boltastrákur, og svo brá hann sér aðeins inn á svæði Wengers, svo að þetta hefur allt hjálpast að, að Wenger sleppti handabandinu. Ég er sammála Ólafi, að það á að leifa yngri leikmönnum að spreita sig í þessum bikarleikjum, enda eru þau aðeins farin að gera það t.d. MU, Chelsea og svo Arsenal, en Chelsea lá fyrir Blackburn sem hefur eflaust verið með sína föstu liðsmenn. Aðeins til Ívars sem talar um að Arsenal hafi sennilega ekki mikið úrval af leikmönnum að spila úr, ég held að það sé ekki ástæðan. Þessir strákar sem fá að spila þessa bikarleiki a.m.k. hjá þessum þremur áðurnefndu félögum eru margir hverjir framtíðar leikmenn liðanna, og því eru þessir bikarleikir góður undirbúningur í aðalliðið.

[Jón Páll Ásgeirsson, 3.12.2009 kl. 13:57]

Það er alltaf skömm að tapa, fyrir öll lið, er ekki svo. Það er með Wenger eins og hjá Úlfinnum þegar hann náði ekki eplinu var það súrt !!!  Það að taka ekki hendina á þjálfara mótherjans er ekkert nema dónaskapur. Ég hélt að frakkar færu með kurteisari þjóðum.

[Óttar (IP-tala skráð) 3.12.2009 kl. 19:51]

Hjörtur, reyndar var það Arsenal sem byrjaði þá venju að spila varaliðsmenn í Carling cup hin liðin sem fylgdu á eftir.

[Gunnar Jónsson (IP-tala skráð) 3.12.2009 kl. 21:08]

Hughes heldur því fram að Wenger kunni ekki mannasiði!

Það hefur hvergi komið fram í Íslenskumfjölmiðlum að  Hughes kemur gangandi að Wenger og kallar hann  "fucking wanker"........En það fagmannleg kurteisi? Ekki mundi ég taki í höndina á persónu sem kallar mig fucking wanker!!

Mundir þú gera það?