Skuldinni skellt á frjálshyggjuna!

   En málið var: það var engin frjálshyggja sem kom Íslensku þjóðinni í þessa stöðu!!  Þetta endalausa "væl" um að frjálshyggja hafi verið þarna í spilunum gengur engan veginn upp!  Árni þór virðist falla í þá einföldu gryfju að túlka það litla frelsi sem auðmenn höfðu á sínum tíma til að koma aurum almennings úr landi sem svo að það hafi verið gert í nafni "frjálshyggju".  Þvílík endemis vitleysa.  Íslendingar komu sér í þessa stöðu vegna þess kerfis sem "RÍKIN" í ríkjunum í kringum okkur sköpuðu þessum aðilum til að spila með okkur "rassinn úr buxunum".  Fyrst m.a. í USA þegar Clinton réð og ríkti hvað varðar húsnæðismarkaðinn og braskið sem RÍKIÐ skapaði í kringum það og svo Seðlabankarnir víða um lönd í hinum vestræna heimi sem opnuðu sig gagnvart lánveitendum stórum sem smáum.  Þetta hafði ekkert með frjálshyggjuna að gera, menn verða að átta sig á staðreyndunum.

Pétur er harmi lostinn

VIVA BARCELONA!!

   Já, gleðitíðindin streyma inn hjá manni í dag!  Man. United orðinn enskur meistari og Barcelona Spænskur meistari, og svo 2. sætið í Eurovision, ekki slæmur dagur hjá mér!!  Maður átti nú þó ekki von á að Real myndi klúðra leiknum í dag, en svona er boltinn og því verður Barcelona meistari þrátt fyrir að vera ekki að spila í dag.  Nú segir maður bara SKÁL, og tvöfalda SKÁL...

Eiður Smári spænskur meistari

Flottur árangur hjá "Yohanna"!!

   Framar vonum, Norðmenn bjarga Íslendingum frá því að þurfa að halda keppnina að ári!  Slíkt hefði orðið bagalegt fyrir okkur á þessum síðustu og verstu!  En árangur Jóhönnu er auðvitað sá besti til þessa í Eurovision, því fleiri lönd voru í pottinum en síðast þegar við náðum öðru, þá voru færri lönd í potti.   Þetta gefur okkur góða landkynningu og ekki veitir af.   Áfram Ísland, vonum að við eigum eftir að fá fleiri jákvæðar fréttir á næstu vikum og mánuðum.  Útrásinni má ekki linna þótt á móti blási nú um stundir. 

Langt fram úr mínum vonum

Flott veður um helgina!

   Nú er um að gera að gleyma kreppuástandinu og skella sér í sólina á ylströndinni og njóta veðurblíðunnar á meðan færi gefst.  Látum ekki pólitík og skvaldur trufla okkur þessa helgina, verum á léttu nótunum og njótum sólarinnar og reynum að láta okkur dreyma um betri tíð með betri ríkisstjórn seinna meir...

Veðurblíða um helgina

Af myndinni af dæma:

  Þá mætti segja manni, að kalla mætti þetta Hjarðarhagakvartettinn!

Ný ríkisstjórn á morgun

Þvílíkt klúður hjá embættismönnum og forsetaembættinu.

   Maður hélt að svona gæti ekki gerst hér á landi, en allt getur greinilega gerst á þessum síðustu og verstu tímum hér á landi.  Þetta minnir mann á einhverja atburði sem gætu hafa gerst í einhverju bananalýðveldi suður í höfum eða fyrir austan gamla járntjaldið en ekki hér uppi á Íslandi. En greinilegt að menn eru ekki störfum sínum vaxnir í þessum efnum lengur!!

Svikin um Fálkaorðuna

Flokkur hentiseminnar.

   Já þeir eru ótrúlegir hjá VG, haga hlutunum eftir því sem forystan vill hverju sinni!  Í þessu dæmi hjá þeim þá hafna þeir fléttulistareglunni og fara eðlilega eftir úrslitunum að sjálfsögðu.  En fáránleikinn í þessu öllu er það hvernig þeir breyta reglunum sitt á hvað og það í hinum og þessum kjördæmunum eins og dæmin sýna.  Og þetta ætla íslenskir ríkisborgarar að kjósa yfir sig í næstu kosningum.  Þessa dagana hamast menn á að gagnrýna Sjálfstæðismenn fyrir ýmis vandamál sem komið hafa upp hjá þeim en ekki heyrist "múkk" frá fjölmiðlum um þá hringavitleysu sem í gangi er hjá VG í þessu sem öðru.  Hvenær skyldi nú þjóðin fara að átta sig á því að þegar hún vaknar loksins úr þeim martraðarsvefni sem hún hefur sofið við undanfarið, hvenær mun þá landslýður átta sig á að ekki tekur betra við með þeirri hentustefnu vinstri stjórn sem á eftir að tröllríða þjóðfélaginu á næstu misserum, munu þá landsmenn átta sig á að þeir hafa stigið úr öskunni og inn í ELDINN!

Framboðslista VG í Suðurkjördæmi breytt

Þvílík umskipti!

   Það er grátbroslegt að horfa á Skipstjórann í VG, hann er bókstaflega ekki sami maðurinn og fyrir nokkrum vikum síðan, hann er allt annar maður, hreint ótrúlegt að horfa á hann á þinginu og í viðtölum við fjölmiðlana, maðurinn hefur allur mýkst upp og er orðinn hið mesta "prúðmenni" í öllu atferli og samskiptum.  Hann er skólabókardæmi um það hvernig pólitíkus breytist úr því að vera óbreyttur þingmaður og í það að vera Ráðherra.   Ólíkt öðrum þingmanni VG, Álfheiði Ingadóttur, sem ekkert breytist í atferli og hegðun þótt hún sé komin í meirihlutastjórn (í minnihluta) og orðin formaður í nefnd hjá hinu háa Alþingi, hún heldur uppteknum hætti og er sami uppreisnarseggurinn og áður, alltaf til í að leggjast í stríð án nokkurs undirbúnings, sannur byltingarsinni sem spáir ekkert í afleiðingar gjörða sinna!

Góðir fundir með IMF

Símaleikurinn.

   Þetta er sérstök uppákoma sem á sér stað í þessu máli.  Þarna koma inn fulltrúar Samkeppniseftirlits sem síðan sjá sér ekki fært að uppfylla skyldur sínar sem fulltrúar í stjórn vegna sóðaskapar í viðskiptum stjórnarinnar (meirihlutans).  Teymis samsteypan er náttúrulega sérstakt fyrirbrigði sem langt mál mætti hafa um, en þeirra hagsmunir eru bara að vernda eigur sínar og allt eðlilegt í því sambandi, hitt er sérstakt að fyrst  Samkeppnisstofnun er búin að blanda sér í málið, þá hlýtur það að vera skylda þeirra að fylgja málinu eftir en ekki "gefast" upp, en það virðist vera raunin í þessu máli.  Teymis liðið hlýtur að fagna því að eftirlitið sé horfið á braut og Talsmenn geta áfram unnið sína vinnu undir vökulum augum Vodafones og Teymis, svona er bara "bissnisin" á Íslandi.  Augljóslega finnst manni sem Tal sé haldið gangandi til að koma í veg fyrir að önnur "lággjalda" símafyrirtæki nái fótfestu.  Þetta er auðvitað pólitík útaf fyrir sig!

„Aldrei kynnst eins miklum viðskiptasóðaskap"

Ráðamenn teknir á teppið.

   Loksins er Davíð kominn heim, og ekki fyrr búinn að taka upp úr töskunum þegar hann sendir opið bréf til Ráðamanna.  Þetta minnir mann bara á góðan farsa.  "pabbinn" kemur heim og sér að það er búið að "rústa" heimilinu, börnin hafa algjörlega "sleppt" sér og allar reglur þverbrotnar eins og hægt er!   Nei, annars þá er þetta ekkert grín hvernig á málum er haldið hér á landi þessa dagana.  Það ríkir algjört ábyrgðarleysi í aðgerðum þeirrar minnihlutastjórnar sem nú stýrir landinu.  Þá er það Forsætisráðherra til minnkunar að hrekja einn bankastjórann úr embætti með þeim hætti sem hún gerði.  Bankastjórinn telur Forsætisráðherra hafa ómaklega að starfsheiðri sínum og æru!  En Ráðherra lætur að  því liggja að Bankastjórinn hafi farið sáttur úr starfi sínu sem er alls ekki raunin.  Eftirtektarvert verður að fylgjast með vinnuaðferðum Ráðherra næstu daga, því nú eru greinilega "tiltektardagar" í gangi hjá þeim og ýmsar óhefðbundnar aðferðir og meðul notuð í tiltektinni, aðferðir sem ekki hafa verið notaðar í áratugi í hinum vestræna heimi.  En kannski telja Ráðamenn sig vera svara kalli alþýðunnar í landinu, allra þeirra tugi þúsunda manna sem EKKI hafa verið á útifundum og hafa EKKI stundað skemmdarverk opinberum byggingum og hafa EKKI haft ótakmarkaðann aðgang að fjölmiðlum eins og vinstri menn hafa haft undanfarið o.s.frv. 

Lýsir miklum vonbrigðum