Auðvitað á maðurinn skilið að fara í leikbann á HM.

   En auðvitað tekur alþjóðaknattspyrnusambandið það ekki í mál, enda Frakkar með góð ítök þar!

Henry: Ég notaði höndina viljandi

Mesti skandall sem sést hefur í fótbolta!

  Og þetta slær alveg út atvikinu með Maradonna á sínum tíma!  Maður verður hreinlega að hafa samúð með Írum, ótrúleg dómaramistök, og sýnir að það verður að gera breytingar á dómaragæslunni og nota myndavélar til að skera úr um svona uppákomur.  Verst var þó að sjá hvernig Henry brást við, en hann virtist ekkert vita af neinu!!

Frakkar komust á HM með ólöglegu marki

Ótrúlegt! ef rétt reynist.

   Það er ótrúlegt ef þjóðin á að taka á sig auknar byrðar í þessu máli!  Og ef semja á um að niðurstaða dómstóla eigi ekki að hafa neina þýðingu í málinu, það eigi bara semja upp á "nýtt".  Borgarar þessa lands sem ekki höfðu neina aðkomu að þessu fjármálahruni sem varð eiga að rétta Bretum og Hollendingum hjálparhönd, og verða við þeirri "fjárkúgun" sem þeir fara fram með gegn landsmönnum.  Ef þetta verður niðurstaðan, þá hljóta landsmenn að hugsa sinn gang með hverja þeir eru að styðja til valda í þessu landi.  Við bíðum og sjáum hverjir muni styðja þessar "stríðsskaðabætur" Breta og Hollendinga.

Icesave-fyrirvörum breytt

RÚV: Með Davíð á heilanum!

   Ríkisútvarp allra landsmanna heldur vart vatni yfir ráðningu Davíðs Oddssonar.  Í útvarpsfréttum mátti glöggt heyra að menn væru sjokkeraðir yfir ráðningu hans.  Ekki óeðlilegt út af fyrir sig, þar sem Ríkisútvarpið er meira og minna teymt af núverandi stjórnvöldum og greinilega ekki mikil gleði að vita af því að nú muni hinn þaulreyndi fyrrum stjórnmálamaður Davíð Oddsson lyfta upp penna endrum og eins og fjalla um það sem hæst ber í Íslensku þjóðlífi hverju sinni.  Eitt má þó segja í þessu sambandi, nú verður loksins eitthvað til að tala um á næstunni, ekki hefur mikið fréttnæmt verið að gerast hjá stjórnvöldum á síðustu mánuðum, það eitt er víst!

Davíð og Haraldur ritstjórar

Kemur svo sannarlega ekki á óvart!

    Kemur ekki á óvart að formenn stjórnarflokkanna þori ekki að mæta Davíð í Þættinum í kvöld, eins og ég ritaði í morgun þá gerði ég ekki ráð fyrir háttsettum stjórnarliðum í þáttinn í kvöld.  Sú Ríkisstjórn sem nú situr gerir allt til að kæfa niður þetta mál sem reynist greinilega samstarfinu þungt í skauti.     Á  meðan keyrir stjórnin í gegnum þingið ályktuninni um að ganga til viðræðna ESB um inngöngu, en þar þarf stjórnin á liðhlaupum úr öðrum flokkum að halda! Stjórnin þarf líka að reiða sig á liðhlaupa úr öðrum flokknum til að fá ICESAVE málinu framgegnt á þingi!  Ekki nema von að formenn flokkanna hlaupi í felur þegar ræða á málin fjölmiðlamenn (aðra en þá sem eru hliðhollir stjórninni eins og t.d. RÚV).

Davíð í Málefninu í kvöld

Varnarsamstarfið mikilvægt.

   Þetta atvik sem önnur sýnir að varnarsamstarf vestrænna þjóða er mjög mikilvægt enn í dag þrátt fyrir að friður ríki.  Athyglisvert er hve langur tími líður frá því að atviki á sér stað og Varnarmálastofnun flytur fréttir af því!  Er það svo að Varnarmálastofnun fær svona seint að vita af atvikum sem þessum eða er stofnunin svona lengi að greina málsatvik af þessu tagi, að hún getur ekki fjallað opinberlega um það fyrr en tæpum hálfum mánuði síðar?

Rússneskar sprengjuflugvélar á ferð 16. júní

Nova heiðrar konung poppsins.

   Það er gaman að sjá hvað menn brugðust hratt við hjá sjónvarpstöðinni NOVA með að heiðra Michael Jackson með fjölmörgum af myndböndum hans í sjónvarpinu í kvöld.  Margar sjónvarpsstöðvar um allan heim hafa verið uppfullar með uppryfjun frá ævi þessa mikla poppara síðustu áratuga.  Ríkissjónvarpið reyndi að heiðra þennan poppara með smá upprifjun í umfjöllun í Kastljósi í kvöld, en eins og Ríkissjónvarpinu er von og vísa í þeim efnum þá klúðraðist sú upprifjun með eftirminnilegum hætti þannig að pistill sá fór veg allrar veraldar og missti marks þar sem inn í pistilinn um goðið skutust inn myndbrot úr auglýsingum við og við.  Það verður að segjast að þessi pistill og afkynningin á eftir voru heldur stutt og snubbótt ef þannig má að orði komast!  Ekki var reynt að bæta fyrir þetta með nokkrum hætti nema með smá afsökun á eftir,  betur hefði verið að þulur kynnti að pistillinn yrði endurtekinn síðar til að mynda!  Jackson var merkilegur "karakter" og hafði mikil áhrif fólk af minni kynslóð hér áður fyrr, og  sannarlega umdeildur karakter í seinni tíð þó. Ekki býst maður þó við að Ríkisútvarpið eigi mikið eftir að rifja upp hans ævi sérstaklega, enda eru hlustendur þeirrar stöðva flestir komnir yfir fimmtugt eða sextugt  þ.e. rás 1 og rás 2.  Jackson var hvað vinsælastur á áttunda áratugnum og því má búast við lítilli umfjöllun frá "hippunum" á Ríkisútvarpinu nema einhver stórbreyting verði á? Greinilegt er þó að Jackson er genginn í endurnýjun "lífdaga" ef marka má viðtökur á vinsældarsölulistum úti í heimi!  Og kannski megum við búast við einhverju meiru frá þessum eðal poppara á næstunni, því eitthvað virðist vera til að óútkomnu efni frá honum!!  Maður getur þó haldið í vonina.

 

Þessi kann að græða á kreppunni!

   Já, hún er snjöll hún Eva, eða hvað hún heitir nú með réttu?  Hún er komin í sannkallaða útrás í miðri kreppunni og tekur að sér verkefni um allan heim!  þessi Norðmaður hefur lagst í sannkallaðan Víking.  Hún sankar að sér verkefnum sem aldrei fyrr, og ætlar sér að ráða við öll herlegheitin með einföldum hætti:  Með aðstoð fjölmiðla!  Hún virðist ætla að hafa nóg með að gera að halda fyrirlestra og koma fram í viðtölum við blaðamenn vítt og breitt um veröldina og ætlar sér að stunda kennslu í leiðinni og allt gerir hún þetta eins og að drekka vatn!!  Á meðan verðum við hér uppi á skerinu að bíða og bíða eftir að sjá eitthvað af verkum hennar verða að raunveruleika  í þeim eltingarleik sem hún ætlar að eiga við hina útrásarvikingana sem liggja nú á "baðströndum" með Romm og Tequilla.  Ég get séð fyrir mér myndina "CATCH ME IF YOU CAN", í þessu sambandi!  Athyglisvert verður að fylgjast  með hvar Evu ber næst niður í Aldingarðinum.  Nægar eru freistingarnar þessa dagana, og hún á erfitt með að hafna verkefnum og viðtölum, en það hefur nú ekkert með athyglissýki þó að gera!?

Eva Joly: Botninum ekki náð

Já, takk fyrir. Þetta minnir mann á að fara í "RÍKIÐ"! Það er Flöskudagur...

  Ekki slæm auglýsing þetta!!

Sektaðir fyrir áfengisauglýsingar

Kreppuáróður.

  Hvílíkt ástand sem er að verða hér á landi, nú á að hafa vit fyrir fólki hvað drykkjuvenjur varðar.  Þessi fréttaskýring sem einhliða fjallar um rökin fyrir þessum skatti er bersýnilega til þess gerð að réttlæta nýja skatta á almenning og vísun á aukin útgjöld heimila í landinu í formi hærra verðs og hærri verðbólgu með hækkun á neysluvísitölunni sem dæmi.  Athyglisvert  að í fréttaskýringu er enginn áhugi á að ræða við talsmenn framleiðenda þessara vara eða annarra sem starfa við framleiðslu eða sölu á þessum vörum, það er nú nefnilega svo að ýmsar aðrar vörur valda heilsubresti hjá fólki eins og til að mynda feitar kjötvörur og svo dettur mér nú eitt í hug, hvort ekki eigi að skattleggja ódýran skófatnað , því sumt fólk á það til að kaupa "ódýra" skó frekar en dýra og þar með oftast skó í lélegri gæðum sem  oft á tíðum veldur því að með tímanum fær fólk ýmsa kvilla í bakið og lappirnar vegna þess sem skófræðingar segja að sé vegna lélegs skófatnaðs!  Þetta væri náttúrulega eitthvað fyrir þessa stjórn landsins að athuga.  Dýrir vandaðir skór eru oftast hollari fyrir einstaklinga og sparar heilbrigðiskerfinu helling af pening.  Svona mætti lengi telja áfram og lengi finna fleiri rök fyrir auknar álögum á hinar ýmsu neysluvörur landans.  Íslensk alþýða getur lengi á sig þyrnum bætt!

Hitaeiningasnautt gos sykurskattlagt?