Kom frábærlega á óvart hve stór sigurinn var!

   Frábær leikur í kvöld og sýnir hvað landsliðið stendur vel á heimsvísu.  Eins og ég hef áður sagt er nú nauðsynlegt  fyrir alla að sýna sínar bestu hliðar í öllum keppnisgreinum eins og hægt er.  Okkur veitir ekki af góðum fréttum á þessum síðustu og varhugaverðustu tímum sem við lifum á!  Og segi ég ekki meir um það, nema þá að þetta verður hvatning fyrir liðið að reyna að komast alla leið.  Annars hefur mér fundist að öllum öðrum ólöstuðum Landsliðsmaðurinn Róbert bestur í þeim leikjum sem leiknir hafa verið, ótrúlegur baráttuvilji hjá þessum leikmanni, annars allt liðið í heild frábært líka!!

Guðmundur: Danirnir hlupu á vegg

Í anda Vinstri Grænna.

   Þetta kemur ekkert á óvart.  það eina sem Vinstri Grænum er kært er Fréttastofa Ríkisútvarpsins.   Það hefði svo sem vantað í ályktun þeirra VG. að fara fram á sölu þessa bákns að sjálfsögðu, þá næðist nú heldur betur fram  sparnaður!  En í því árferði sem er, þá er ekkert óeðlilegt að menn skrúfi niður laun yfirborgaðra sjónvarpsstjarna og annarra stjóra á stöðinni, ef þær eru til staðar þar.  Þessi stofnun hlýtur að verða að lúta sömu lögmálum og ríkja á hinum almenna vinnusmarkaði, annarstaðar hér á landi hvað varðar laun og kjör starfsmanna.  Auk þess að taka þyrfti á málum hvað varðar samkeppni í efnisvali miðilins gagnvart öðrum miðlum eins og t.d. 365. miðlum og Skjá einum t.a.m. en þar hallar heldur betur á gagnvart þeim síðarnefndu!

RÚV harmar ályktun VG

Ísland er Eyland!

   Og þessvegna er boðun verkfalls hjá hinu Ríkisrekna flugfélagi þessa lands alvarlegt mál.  Ljóst er að ekki hefur verið samið um nokkurt skeið hjá þessari stétt manna og getur maður svo sem haft samúð með þeim á vissan hátt, en samt er ljóst að stéttir í fluggeiranum geta átt auðveldar með að ná sínum málum fram en í öðrum geirum atvinnulífsins.  Þessar stéttir geta jú með aðgerðum sínum nánast lokað landinu, engin önnur leið er fyrir hinn almenna borgara að komast úr landi nema þá kannski með Norrænu!  Reyndar er í dag hægt að ferðast með "hinu félaginu" Iceland Express, og býst maður við að eitthvað muni bókanir aukast með þeim á meðan hugsanlegu verkfalli stendur?  En svo er náttúrulega sp. með hvort þeir færu kannski í "samúðarverkfall" með flugliðum Ríkisfélagsins?  Það hlýtur að mega búast við að viðsemjendur semji með tilliti til ástandsins á hinum almenna vinnumarkaði í dag.  Er ekki Ríkið búið að gefa út að enginn eigi að vera með hærri laun en Forsætisráðherra t.a.m.  Annars verður forvitnilegt að fylgjast með verkfallsboðunum hjá Ríkinu á næstunni. Þar eru margar stéttir sem geta gert "skurK"  í þjóðlífinu vegna ýmissa starfa sem eru bundin við réttindi ákveðinna manna og engir aðrir geta gengið þar inn í.

Flugmenn undirbúa verkfall

Stjórnarformenn tala hver í sína áttina.

   Ekki virðist sem samstaða sé á milli formanna stjórnarflokka um hvernig staðan sé í Icesave málinu!  Og athyglisvert að Hollendingar hafa sagt að ekki hafi enn verið óskað viðræðna við þá um málið enn.  Það skyldi þó aldrei verða svo að landsmenn fái að segja hug sinn á málinu í kosningu þegar allt kemur til alls í allri þessari vitleysu með þetta mál.

Beðið svara frá Hollendingum og Bretum

Áfram Ísland!

   Og koma svo...

EM: Ólafur hvílir gegn Serbum

Rabbfundur formanna í kvöld!

   Spurningin ekki bara um vaxtakjörin, heldur einnig tímalengdina á Icesave ánauðinni, auk þess hvort yfir höfuð sé ástæða til að ganga að skilmálum þessara Hollensku og Bresku handrukkara sem náttúrulega reyna að hrista úr landanum allt "klink" sem til er, án þess að nokkur lagaleg rök séu fyrir því í þessum löndum (ESB),  að ganga fram með þeim hætti sem um ræðir.

Stefnt að fundi í kvöld

Leitað til Íslands!

   "boreas" sjóðurinn leitar sérstaklega að konu á Íslandi til að setjast í stjórn fjarskiptafyrirtækis síns í Noregi, þetta er athyglisvert með þessar kvótareglur þeirra Norðmanna, að þeir verði að leita erlendis eftir hæfu fólki, og þá sérstaklega kvenfólki til að fylla upp í "stjórnarmannakvótann".  Þetta er náttúrulega augljóst svo sem útaf fyrir sig, því hér á landi er að sjálfsögðu nóg af hæfu kvenfólki á lausu til að fylla upp í svona "kvóta".  Reynslan er fyrir hendi hér líka, þar sem sumir flokkar hafa komið sér upp kvótareglum eins og t.d. Vinstri grænir og Samfylking, þar sem reynt hefur á þessar reglur svo eftir hefur verið tekið, og þess vel gætt að menn sem náð hafa að sýna fram á forystuhæfileika með góðri kosningu, þurfa ekki alltaf að vera verðlaunaðir með viðeigandi hætti heldur mega þeir þurfa að eiga von á að "víkja" fyrir kvótakerfinu góða!

Vogunarsjóður leitar að konu

Þetta segir allt sem segja þarf!!

  Tímarnir breytast og mennnirnir með, og engin meira en sjálfur Steingrímur J.

Ekki of flókið árið 2003

Aftur til fortíðar.

   Flokksráðsfundur VG hefur ályktað að horfa aftur til fortíðar en ekki fram á veginn.  Þau vilja að ´"blessað" Ríkið hafi meira að gera með líf fólks en það nú þegar gerir!  Ályktað er um fjölmiðla, mikil fjölgun hefur orðið í þeirri stétt á síðustu árum og ekki skrýtið að bakslag verði á tímum sem þessum, það er reyndar raunin um allan heim, ekki bara hér á litla Íslandi.  Það sama á við um aðra geira efnahagslífsins, boginn hefur verið stíft spenntur, og menn hafa þurft að taka á sig kjaraskerðingar og fl.  En þegar horft er til baka síðustu áratugina tvo til dæmis þá sést að hagþróun á þessum tíma hefur nú verið bara nokkuð góð á heildina litið!  Vandinn við ályktanir VG. eru þær að það vantar lausnir, þær sjást ekki í þessum ályktunum, eingöngu les maður bara út úr þessu öllu eintóm "Neyðarköll" til einhverra æðri máttarvalda (stjórnvalda).  Ályktanirnar eru allar í þá átt að það eigi að "draga sig inn í skelina" og bíða þar til ástandið batnar (einhverntíman seinna).  Og svo er það ESB ályktunin, hún bara stenst ekki því að VG er nú þegar búið að selja sig í hendurnar á Samfylkingunni og samþykkja viðræður og í staðinn fékk VG. nokkra óvinsæla Ráðherrastóla!

Þungar áhyggjur af fjölmiðlum

Sögulegur sigur!

   Þetta hlýtur að teljast stórsigur fyrir Íslenskann fótbolta.  Þarna voru hvorki fleiri né færri en þrír Íslenskir leikmenn sem komu við sögu þegar Reading sló LIVERPOOL út úr Enska bikarnum!  Og þar að auki er fyrirliði Reading Íslendingur, Ívar Ingimarsson.  Ekki slæmt þetta!  Hin Íslenska heilaga þrenning stóð sig með prýði í þessum leik að því er virðist.  Gott að vita að Íslenskir Íþróttamenn eru að leggja sig alla fram, hver á sínu sviði þessa dagana, hvort sem er í Fótboltanum, handboltanum eða hvar sem er annarstaðar, nú er líka tækifærið til að sýna umheiminum hvað í okkur býr, á þessum síðustu og verstu...

Gylfi skoraði og Brynjar lagði upp mark - Liverpool úr leik