Frábær árangur hjá Messi og Barcelona.

   Árangur Barcelona er eftirtektarverður á allan hátt.  Barcelona er komið í sögubækurnar, eitthvað sem þeir eiga eftir að lifa á næstu árin.

Lionel Messi bestur í heiminum 2009

Skýr niðurstaða.

   Ljóst að almenningur vill sjá þetta mál fellt á þingi, og málið látið standa eins og það er nú!  Ekki á að vera hægt að sniðganga hverja atkvæðagr. á fætur annarri í þessu máli, nú er líka í ganga atkv.gr. á vegum Indefence og niðurstaða mun verða skýr þar líka í þessu máli ef allt fer á versta veg á þingi.  Spurningin er einungis sú hvort alþingismenn ætli að vera samkvæmir sjálfum sér í þessu máli, eða láta ESB "elítuna" ráða ferðinni!!

70% vilja hafna Icesave

Man UTD. á beinu brautinni.

   Manchester United er sterkt og breiddin mikil, liðið fer án efa í úrslitaleikinn þegar þar að kemur.  Ég missti þó af því að sjá þennan leik en gaman að sjá að Owen kemur sterkur inn í þennan leik, en hógvær samt yfir frammistöðunni.

Owen: Liðið í heild var frábært

Spegillinn leitar álits á Icesave hjá stjórnmálafræðingi!

   Í útvarpinu leitaði áðan Spegill útvarpsins álits á því hvað verður um Icesave málið.  Eins og svo oft áður var til svara fulltrúi Ríkisstjórnarinnar og Evrópusinninn Gunnar H. Kristinssyni prófessor hjá HÍ.  Það sem hann hafði í raun fram að færa var einfaldlega það, að Icesave málið yrði að hans mati samþykkt og Forseti vor myndi ekki geta annað en skrifað undir, enda Forseti vor í vondum málum nú þegar og hefði ekki lengur mikið bakland.  Einnig benti Prófessorinn á að í öðrum löndum væru svona mál ekki afgreidd  í þjóðaratkvæðagr. eins og t.d. í Danaveldi!  Þessi mikli fræðimaður nefndi í raun enga ástæðu fyrir því að þetta mál ætti í raun að komast í hendurnar á alþýðunni í landinu, fyrir því væri engin þörf að hans mati! Og það þótt verið væri að veðsetja þjóðina í hendur erlendra aðila! Prófessorinn leggur svo Forsetanum leikreglur og hvetur hann til að samþykkja málið eða halda sig erlendis og láta aðra handhafa Forsetavalds sjá um málið.  Nú verður það sp. hvernig stjórnmálarefurinn á Bessastöðum snýr sér í málinu.  Mun hann hlaupast á brott eða mun hann koma á óvart og sýna nýja hlið á sér í þessu máli og vera sjálfum sér samkvæmur?

Yfir 30.000 manns búnir að skrifa sig um þjóðaratkv.gr. um ICESAVE.

   Ljóst er að þetta mál mun fara naumlega í gegnum þingið þegar upp verður staðið.  Stjórnin verður að reiða sig á m.a. á varaþingmenn VG. þar sem sumir þingmenn þess flokks hafa stokkið af þinginu þegar stórmál sem þetta er tekið fyrir.   Kannski verður það þó almenningur sjálfur sem nær að stöðva þessa vitleysu.  Ef tugir þúsunda landsmanna skrifa undir það að þetta mál fari í þjóðaratkvæðagreiðslu verður erfitt að réttlæta löggildinguna á þessu frumvarpi. En Samfylking keyrir málið "blinnt" áfram!  Við sjáum hvað setur. 

Meirihluti samþykkti Icesave

Icesave tekið af dagskrá eftir aðra umræðu.

  Það er jú gott mál að Icesave fari í frekari athugun.  En nauðsynlegt er að þjóðin fái einhverju um þetta ráðið þegar uppi er staðið.  Vonandi verður þó þetta mál til lykta leitt áður með samkomulagi allra, en mikið þarf þó að ske áður en svo verður.

Samkomulag um afgreiðslu Icesave

Steingrímur brást við afgreiðslu Fjölmiðlafrumvarps á sínum tíma.

   Og nú ætlar hann að bregðast með enn meiri og skelfilegri hætti við afgreiðslu um ICESAVE-ánauðina.

„Mikilvægt að fjölmiðlar bregðist ekki aftur“

Býr ekki yfir fagmannlegri kurteisi!

   Arsene Wenger tók ekki í hönd Mark Hughes þjálfara City eftir einn af hinum tilgangslausu leikjum gærkvöldsins, eins og Wenger vill kalla Deildarbikarinn á Englandi.  Þetta eru athyglisverð ummæli hjá þessum virta Hollenska Þjálfara.  Hann gefur lítið fyrir svona "sýndarleiki" eins og hann virðist telja þessa leiki vera!  Skyldi hin raunverulega skýring kannski vera sú að hann hafi einfaldlega ekki mikið úrval af leikmönnum til að spila úr? Og hvers vegna lét hann þá ekki aðstoðarþjálfarann bara mæta og hélt sig sjálfur heima? 

Hughes: Wenger kann ekki mannasiði

Ekki hægt að skattleggja landsmenn út úr kreppunni.

   Það er einmitt málið, skattlagning virkar einfaldlega ekki.  Skattlagning þrengir að öllum þjóðarbúskapnum enn meir en orðið er.  Gott er þó að sjá að fólk er að halda vel á spilunum í Reykjavík, þar er tekið með öðrum hætti á málum og hagrætt, án þess að skerða grunnþjónustu svo um nemi við börn  t.d.  Greinilegt að tekið er með öðrum hætti á málum í Borginni heldur en hjá Landstjórninni. 

Hanna Birna: Standa vörð um velferðarþjónustu

Yfir 20.000 manns vilja þjóðaratkvæðagr. um ICESAVE !

   Á heimasíðunni Indefence.is hafa yfir 20.000 manns skrifað undir að Forsetinn riti EKKI undir lögin um skuldsetningu þjóðar til handa Bretum og Hollendingum, heldur setja málið í hendur þjóðarinnar í kosningu.  Greinilegt er að fylgið við þessa málalyktan eykst dag frá degi!  Þetta mál er það stórt í augum tuga þúsunda landsmanna, að ljóst ætti stjórnmálamönnum að vera að kjósa þurfi um þetta mál í einni allsherjarkosningu, þar sem hver og einn einstaklingur þessa lands fær að ráða einhverju um framtíð sína í þessu efnahagslega samhengi.  Allir "Brussel" aðdáendur verða að fara að átta sig á að þjóðarviljinn verður að hafa sinn gang í þessu samhengi, og því verður að leyfa smá bið með að gangast í ánauðina hjá stórveldunum á meðan þjóðin fær tilfinningalegt svigrúm til að gaumgæfa málið til hlýtar.