Hefur nokkuð til síns máls !

   Lækkun skatta er þó stór áfangi í að koma hagkerfinu í gang aftur, bæði óbeina og beina skatta.  Klárt mál þó að skattar eiga að vera jafnir hjá öllum, leikreglur þær sömu allstaðar, en áfram þarf að halda í ýmsar "velferðarbætur" sem fólk þarf á að halda með lægri laun og kjör.  Heilbrigðiskerfið þarf að styrkja svo um munar, en það gerist ekki nema hagkerfið komist á gott skrið, allt spilar saman hér.  Vinda þarf ofan af loforðaflaumi fyrri Ríkisstjórnar og forgangsraða á næstu misserum, þannig að færi gefist til að styrkja undirstöður velferðarkerfisins sem Heilbrigðiskerfið er hluti af .  Og smá skilaboð til Ríkisstjórnar:  Fyllið vinsamlegast sem fyrst uppí holuna stóru við Suðurgötuna.

Lækka frekar skatta en bæta heilbrigðiskerfið

Athugasemdir

[Helgi (IP-tala skráð) 10.9.2013 kl. 13:28]

Sæll.

Það sem Kári virðist ekki skilja frekar en þorri þjóðarinnar er að með því að lækka skattprósentuna munu tekjur hins opinbera aukast, þetta sáum við á árunum 1991-2001 þegar skattar á fyrirtæki voru lækkaðir í þrepum úr 45% í 18%. Tekjur ríkisins af þessum skattstofni drógust ekki saman heldur þrefölduðust.

Ef við ætlum okkur að bæta heilbrigðiskerfið þarf að lækka skatta á alla og koma hjólum atvinnulífsins í gang svo fleiri greiði skatta og greiði hærri skatta vegna hærri tekna.

Þetta verður hins vegar aldrei gert :-(