Áfram er spáð í óvissuna!

Áfram spáir Glitnir inn í framtíðina, hverjum þessar spár nýtast áttar maður sig ekki á, en það er um að gera fyrir Glitni að rýna inn í framtíðina eins og við öll þurfum að gera með einum eða öðrum hætti.  Í spá Glitnis kemur t.d. fram að stýrivextir haldist óbreyttir fram í mars á næsta ári og lækki svo hratt til ársloka. Þetta finnst manni vera nokkur bjartsýni, miðað við ástand mála hér á landi, evra og dollar hríðlækka til ársloka.  Spurning hvort Seðlabankinn kaupi þessa spá alveg, en Seðlabankinn hefur sagt að hann ætli að koma á genginu á rétt ról með tímanum, ekki  er ég viss um að þetta gangi eftir fyrir árslok 2009.  En það er eins og með veðrið, menn gera langtímaspár þótt þær gangi nú ekki alltaf eftir.

Verðbólgumarkmið mun nást 2010

Athugasemdir

[Birkir (IP-tala skráð) 15.12.2008 kl. 12:56]

Í ágúst eða september var haft eftir einni greiningardeildinni (man ekki hvort það var hjá Glitni eða Landsbankanum) að niðursveiflunni lyki í lok þessa árs og eftir það væri bara stígandi í efnahagslífinu. Á maður að trúa því að þessir menn hafi ekki gert sér grein fyrir ástandinu eins og það var orðið? Það er ekki orð að marka þessar greiningardeildir sem virðast fyrst og fremst vera til að gera upp gengi hlutabréfa (eða niður ef bankarnir ætluðu að kaupa).