Klúðrið staðfest af Hæstarétti!

   Þá er komið á daginn að Stjórnlagaþingið var klúður frá upphafi til enda.  500. milljónir lenda á skattborgurum í þessu máli, Ríkistjórnin geisist áfram og flogið  "blindflug" undir leiðsögn Jóhönnu og Steingríms sem greinilega eru illa að sér hvað blindflugshæfileika varðar!  Leiðtogarnir hafa enga stjórn á þjóðarskútunni lengur, hver ákvörðunin er annarri vitlausari og lítt hugsaðar til enda.  Þetta sjáum við í því hvernig ICESAVE málið er meðhöndlað og svo þetta stjórnlagaþing sem nú hefur verið ógilt af Hæstarétti, nú verður treyst á að stjórnarandstaðan bjargi þessu máli eins og í ICESAVE málinu.  Jóhanna sagði: Þjóðin skal fá sitt stjórnlagaþing sem hún hafði krafist?!?   En er það svo?  Hver bað um þetta þing aðrir en álitsgjafar Ríkisstjórnarinnar og hörðustu stuðningsmenn hennar ásamt nokkrum mótmælendum sem mættu á sínum tíma á Austurvöll til að mótmæla ýmsu sem aflaga hafði farið hjá stjórnmálamönnum almennt séð á síðustu misserum,  að ógleymdri fréttastofu allra landsmanna á RÚV sem "hamraði" málið í gegn með Ríkisstjórninni.   Ekki var það þó almenningur sem heimtaði þetta þing, enda sýndi það sig í kosningaþáttökunni að almenningur var ekki áhugasamur um þetta mál, enda mörg önnur brýnni mál sem staðið hafa óafgreidd hjá hinni hæstvirtu Ríkisstjórn, t.a.m. atvinnumál og fl. sem lítill áhugi virðist vera fyrir þar sem fólk á þeim bæ telur að betri kostur sé að halda áfram aðlögun að ESB svo hægt sé að koma þjóðinni á "spenann" hjá Brusselbákninu sem fyrst!  Og talandi um það, þá virðast sumar stöður, eins og t.d. hjá EFTA bjóða upp á skattfríðindi sem menn líta nú til með allnokkri tillhlökkun, á meðan verið er að ræða að afnema sjómannaafslátt hér á landi t.d. sem er jú einnig óréttlátur aflsáttur, en samt sem áður viðgengst þessi aflsáttur líka hjá sumum opinberum embættismönnum.  Það sem þó skiptir máli þessu öllu er að fólk fari að forgangsraða málum í ljósi mikilvægi hverrs máls fyrir sig.  Eitt er víst:  Þessi stjórn sem nú situr er ekki fær um neitt af þessu þar sem hún getur ekki farið að lögum í mörgum af þessum málum sem hún fæst við þessi misserin.   En á meðan glæðurnar loga þá fær almenningur að blæða hægt og örugglega, vegna síendurtekna  mistaka hjá Ráherrum þessarar Ríkisstjórnar.

ICESAVE: Nýjustu tölur, (samkv. stöð 2.)!

   Í fréttum á stöð 2 og á Vísi.is kemur fram að ætla megi að kostnaður þjóðarbússins vegna ICESAVE reikninganna lækki úr 50. milljörðum niður í 20.milljarða m.a. vegna sölu á ICELAND verslunarkeðjunni í Bretlandi!   Nú spyr maður sjálfan sig, hver býður betur næst.  Það má benda á að enn sem komið er ekki búið að greiða eina einustu krónu  upp í þessar "skuldir" bankanna enn sem komið er!  En fjölmiðlar keppast hver við annan að bjóða betur að reikna út þessar "skuldir" sem almenningur hér á landi ber enga ábyrgð á.  Sýnist manni sem fréttir sem þessar séu helst til settar fram til að fegra ýmind stjórnvalda hvað varðar stöðuna í þessu máli sem öðrum slæmum málum sem hún hefur átt erfitt með að halda utan um frá því hún tók til valda á sínum tíma.  Ljóst er þó að þetta "rúllugjald" Ríkisstjórnarinnar og hennar stuðningsmanna að ESB bákninu verður þjóðinni dýrkeypt þegar uppi er staðið, sérstaklega í ljósi þess að þjóðin mun nú að öllum líkindum hafna aðild í fyrstu tilraun (af mörgum).

 

Allir fóru geyst og Kínverjar þar engin undantekning!

  Þetta er eitthvað sem allir eiga að geta séð, ef enginn er til að kaupa, þá myndast bara haugur sem enginn hefur not af.  Líkt og smjörfjallið fræga hér forðum.  Hagkerfi heimsins hefur dregist saman og það er eitthvað sem við Íslendingar eigum að reyna að skilja betur, en um leið að finna leiðir til að koma fram með nýjar hugmyndir til uppbyggingar sem nýst getur fólki hvort sem er hér á landi eða annarsstaðar!  Horfum fram á veginn og forðumst opinberar skattahindranir og aðrar "gildrur" sem leynast framundan...

Drekahagkerfið að hrapa til jarðar

Ótrúlegt Klúður!!

Greinilegt er að þessar kosningar voru eintómt klúður og vitleysa frá byrjun! Menn gortuðu sig yfir því að hlutir myndu ganga vel talningu lyki í dag! En hugsið ykkur: Þáttakan var bara rúmlega 30%. en samt virðist sem það ætli að taka nokkra daga fram í vikuna að klára málið. Við megum því þakka fyrir að kjörsókn var ekki meiri því þá hefði talningin líklega tekið "nokkrar vikur" a.m.k. Burtséð frá því hversu tilgangslausar þessar kosningar voru yfir höfuð, þá eru þessir eftirmálar kosninganna enn meiri hneysa fyrir þá sem börðust fyrir þessari uppákomu. Vafaatkvæðin eru mörg og svo á eftir að stilla og breyta í takt við "kvótalögin". Þeir sem börðust hvað harðast fyrir þessum kosningum virðast nú flestir ekki vilja neitt af þeim vita, og ber þar hæst að nefna marga þingmenn sem snúast nú í kringum sjálfa sig með eftirrá skýringar um kosningarnar og vilja kenna ákveðnum andstöðu öflum í þjóðfélaginu um að hafa skemmt kosningarnar!! Menn ættu nú frekar að líta sér nær í þeim efnum...

Talningu lýkur ekki í dag

Þorsteinn fær "byr" undir báða vængi!

Eða hvað?

Fær að halda Vífilfelli

Ótrúleg leiksýning framundan!

   Ljóst að skattborgarar fá að kaupa sig inn á sýninguna á "metverði". 

Fimmtán manna landsdómur kallaður saman

Ráðþrota og úrræðalaus Ríkisstjórn.

  Vinstri grænir hafa alla tíð ætlað þessa leið, ekki nokkur vilji hjá þeim að leita leiða með minni Ríkisumsvifum.  Skattar eru og verða alltaf eina lausnin hjá þessum ráðþrota einstaklingum á vinstri væng stjórnmálanna, þannig er það bara og verður alltaf! 

Ætla að hækka skatta

Segir allt sem segja þarf!

   Alveg ljóst að Vinstri grænir eru ekkert að gefa þessa stjórn upp á bátinn.  Vg spilar áfram með Safmfylkingu í þessu máli sem öðrum!  Vg mun áfram halda sínu fólki í óróadeildinni illa upplýstri um hinn raunverulega gang mála í RÍkisstjórn.  Hugsjónir grasrótarinnnar verða að víkja enn um sinn, það veit Steingrímur J. og co!!  Steingrímur J. hefur líka upplýst fyrir löngu að hann selji sig dýrt, til þess eins að halda Sjálfstæðisflokknum frá völdum sem lengst og honum gengur nú bara nokkuð vel í þeim efnum.  Hann trúir á að þjóðin muni leysa allar auðlindir til sín að lokum, enda lítið mál að hækka opinberar álögur út í hið óendanlega á borgara þessa lands til að greiða fyrir málum og standa undir rekstrinum á öllu bákninu í framhaldinu!

„Ósvífni af verstu sort“

Ekkert sem kemur á óvart en...

  Það er athyglisvert sem talsmaður laugarinnar segir og er alveg rétt!  Vínmenningin er sérstök hjá landanum en það er ekkert nýtt undir sólinni í þeim efnum.  Á góðviðrisdögum leitar fólk á staði þar sem fjörið er, og þá er sama í hvernig ástandi það er.  Þannig hefur það alltaf verið, nú sem áður fyrr og þannig verður það alltaf.  Í þessu sambandi er búið að skapa ákv. múgæsingarástand með mikilli umfjöllun um þessa næturopnun.  Vonandi gengur þetta betur þegar fram líða stundir, en sp. hvort laugarmenn hafi þolinmæðina í þeim efnum?

Erfið nótt í Laugardalslaug

Í anda stefnu þessarar Ríkisstjórnar!

  Núverandi stjórnvöld eru fljót að tæma sjóði sína með aðgerðarleysi sínu.  Ríkisstjórnin er dugleg við að gagnrýna fyrri stjórnvöld en hafa á sama tíma engar lausnir á því hvernig málum skuli háttað til framtíðar í atvinnumálum.  Atvinnumál eru ekki forgangsmál hjá hinu opinbera þessa dagana, staðið er fast á "handbremsunni" og séð til þess að ekkert fjármagn komist á hreyfingu í þjóðfélaginu almennt séð, t.a.m. erlent fjármagn eða það að einstaklingar losi um sitt fé, fólk þorir lítið að hreyfa það þessi misserin vegna óvissu með framtíðaráform Ríkisstjórnarinnar.  Lausn hins opinbera á öllum málum næstu misserin verða "SKATTAR"!

25 milljarðar í atvinnuleysisbætur