Greinilega ekki mikið með framboðsmálin í forgangi hjá sér !

     Áhuginn er greinilega ekki meiri en þetta, og lýsir kannski því meira hvað sumir leggja mikið á sig til að reyna að "klekkja" á stóru flokkunum í orði en ekki á borði !!

„Þetta er auðvitað bölvað klúður“

Lækkum skatta og vindum ofan af álögum síðustu stjórnar !

   Það á að vera markmið næsta tímabils og kæmi ÖLLUM til góða, besta kjarabótin, annars heldur flóttinn mikli áfram.  Gleymum ekki hvernig fólk hefur flúið umvörpum úr landi síðustu árin, t.d. menntað fólk í heilbrigðisgeira, tæknigeira, menntageiranum og meira að segja prestageiranum svo dæmi séu tekin o.s.frv. Höfum þetta í huga.

Kosningabaráttan framundan

Við upphaf kosningamánaðar.

   Nú er apríl genginn í garð og við lok hans verður gengið til kosninga og reikningsskil gerð á því sem efnt hefur verið af loforðum þeim sem fráfarandi Ríkisstjórn skilur við.  Mörg ný framboð líta dagsins ljós þessa dagana, svo mörg að hreinlega sætir undrun af.  En nú við upphaf kosningabaráttunar er nauðsyn að fólk kynni sér málin og skoði hvað henti því best með "heildarhagsmuni" sína eða fjölskyldunnar sinnar í huga.  Nokkuð ljóst er að Sjálfstæðisflokkurinn sem hefur átt undir högg að sækja undanfarið kemur nú fram með heildarstefnu sem ætti að henta öllum en ekki bara "sérhagsmunahópum " heldur aðgerðir sem gagnast öllum.  Þar eru greindar leiðir út frá því m.a. hvort fólk búi í eigin húsnæði eða hvort það leigi húsnæði eða fólk búi hjá öðrum.  Allar þessar leiðir eru kynntar með skilmerkilegum hætti inni á XD.is Vert er að skoða öll þessi mál vel, því mikilvægt er að fólk tali í takt en missi ekki sjónar á því hvert ferðinni er heitið þvi dýrkeypt getur orðið að fólk tali hvert í sína áttina og óreiðustjórnmálin fái að ráða ferðinni áfram næstu 4.árin. 

Og við bjóðum þennan alkunna rólindismann velkominn !

   Nú getum við bætt honum á lista yfir hina fjölmörgu "Íslandsvini" sem við vitnum svo oft í þegar við ræðum um þekkta einstaklinga utan úr heimi.  Og hann er svo sannarlega verðugur þess að sitja ofarlega á þeim ágæta lista.  Algjör "Top Entertainer" á ferðinni þarna.

Charlie Sheen í Bláa lóninu

Gott framlag en gleymist fljótt því miður.

   Miðað við kannanir þá stefnir í að skattar og verndartollar verði við líði áfram, kjósendur eru hallir undir Ríkisvernd af ýmsu tagi og öll þekkjum við stefnur og markmið Framsóknarmanna í þessum málum og miðað við stöðu mála í dag þá er ekki ólíklegt að einhverskonar vinstri "velferðar/haftastjórn verði við líði áfram ef svo fer fram sem horfir.  Höfum það í huga á næstunni !

„Það varð allt vitlaust“

Hvenær fáum við "tilskipunina" um klukkuna !

   Eins og með allt sem við höfum verið að innleiða í gegnum tíðina frá ESB, þá bíður maður nú spenntur eftir þessari sérvisku þ.e. a.s.  breyta klukkunni samkv. reglum sambandsins.  Margir hafa jú verið að biðja um breytingar á sumar/vetrartíma.  En vonandi verður þetta þó eitt af því sem við munum halda í, þ.e. óbreytta klukku allt árið um kring.  Nóg er nú samt búið að láta undan fyrir skrifræðinu í Brussel.

Sumartími í Evrópu næstu nótt

Allt hjálpar !

  Allt hjálpar með að bæta ímynd lands og þjóðar út á við á þessum tímum okkar.  Ef þetta dugar til að fá áhuga fjárfesta og ferðamanna á landi og þjóð þá er það gott mál. Næsta mál er þá að lækka skatta á sparifatnaði til handa landsmönnum svo við getum öll klæðst vel og tekið á móti ferðamönnum og öllum öðrum gestum í okkar fínasta.  Þannig getum við sigrað öll helstu tískutímarit heims og færum létt með það...

Forsetinn meðal tíu best klæddu

Framsóknarmenn heitir þessa dagana.

  En þurfa nú að fara út í baráttu og útskýra öll loforðin fyrir kjósendum á næstu vikum.  Sannkölluð draumaloforð sem þeir vona svo kannski að kjósendur gleymi fljótlega á næsta kjörtímabili.  Spennandi barátta þó framundan.

Framsókn með 28,5%

Dávaldurinn Sigmundur Davíð.

   Já, það má segja að "frömmurum" hafi tekist hið ómögulega þ.e. að dáleiða almenning á sitt band og tekist bara vel upp miðað við kannanir.  Loforðin hjá þeim eru stór og virka sem himnasending fyrir marga auðtrúa og því virðist óþarfi fyrir þá að sýna fram á hvernig á að kosta ýmsar niðurgreiðslur sem þeir bjóða fólki upp á, það eina sem þeir segja er að það verði samið um hlutina eða "bætt" aðeins við skattana hjá fólki eða reikningurinn bara hverfi með tímanum  o.s.frv.   "Einföld lausn".

Framsóknarflokkurinn stærstur

Hekla er flökurt !

   Fara þá ekki allir forvitnir af stað í snatri fyrst búið er að lýsa yfir óvissustigi, ferðamenn og aðrir ævintýramenn setja á sig skóna og hoppa upp í bila til að verða fyrstir að líta ógnina augum !?!

Óvissustig vegna Heklu