Seðlabankinn grípur inn í.

Ánægjulegt að búið sé að taka af skarið í þessum málum og það núna af Seðlabankanum.  Að sjálfsögðu var ástandið komið út á tómar villigötur hvað gjaldeyrismálin varðar.  Eitt verður maður að segja á þessum tímum, eins gott að ekki sé stutt í kosningar á þessu landi, þá stæðu málin með öðrum hætti og hættulegri aðstæður í landinu. Það munar miklu að menn geti unnið úr þessum málum með ábyrgum hætti núna heldur enn að þurfa vera með rándýr kosningaloforð í farteskinu til að hygla sér og sínum!  Það er ekkert grín að takast á við þennan vanda sem landinn er í þessa dagana.  En eins og Davíð Seðlabankastjóri sagði í Kastljósi í gærkvöldi, þá mun landinn komast í gegnum þetta allt saman að lokum og við munum standa betur á eftir.  Ef einhver skildi ekki hafa skilið það sem Davíð sagði í Kastljósinu í gær, þá skora ég á þann aðila að hlusta aftur á það á netinu, það var kjarni málsins sem þar kom fram!

Seðlabanki miðar áfram við sama gengi

SKY NEWS fjallar um Ísland!

Alltaf gaman þegar erlendir fjölmiðlar fjalla um Ísland, það hefur Sky news gert nú vegna Ice save reikninga þar í landi.  Í stuttu máli: Reikningar þar eru tryggðir samkv. frétt upp að 50.000 pundum.  Fréttamaðurinn sagðist meira að segja hafa verið ráðlagt að fjárfesta í Íslenskum bönkum fyrir nokkrum misserum síðan, en segist nú eiginlega sjá eftir því!  eins og kom lauslega fram í lok viðtals sem hann átti við annan mann.  En skrítið þó að hann skuli hafa sagt þetta, því ekki er víst að hann komi nokkuð illa út úr þessu að lokum! En þetta sýnir þó stressið sem í gangi er þarna úti og hvað menn eru að gera mikið úr öllu sem á gengur! Kannski meir en ástæða er fyrir.

Lokað fyrir viðskipti áfram

Rússagullið.

Já, þá er komið að því, við fáum Rússneska peninga inn í landið af fullum krafti.  Virðist sem við getum ekki lengur treyst á nágrannaþjóðir okkar í þessum efnum eða hvað þá "vestrið".  Greinilega nóg um fjármagn í austrinu. Verður spennandi að fylgjast með þróun mála á þessu sviði.  Seint hefði maður trúað því að Seðlabankinn myndi róa á þessi mið! en einvhern tíma er allt fyrst eins og máltakið segir...

Gengi krónu fest tímabundið

Að sjálfsögðu!

Þó það nú væri, að bankarnir væru ekki opnir, það er nú búið að tryggja það að eigur almennings skerðist ekki í bönkum og því ættu allir nú að vera pallrólegir yfir ástandinu!  Af fréttum erlendis virðist sem ástandið sé eitthvað að róast enda olían aftur að "hækka í verði" samkv. fréttum. Allavega í Asíu virðist sem menn byrji daginn á jákvæðum nótum! 

Bankar verða opnaðir

Allt í góðum gír!

Jæja, dagurinn byrjar ekki með hamförum, eins og menn vildu vera láta.  Og engin inngrip, nema þá að stöðva viðskipti með bankastofnanirnar hér.  Nú kemst vonandi ró á í þjóðfélaginu, enda veitir mönnum ekki af hvíldinni eftir allt stressið um helgina!  Og fólk fær kannski vinnufrið í vikunni sem nú er hafin.   

Lokað fyrir viðskipti með bankana

Og þá segja menn "GÓÐA" nótt!

Góðar fréttir berast, ekki þörf á neinum aðgerðarpakka á þessu stigi! Og því verðum við að treysta og trúa að sinni.  Það verður spennandi að fylgjast með morgundeginum, kannski kemur líka í ljós á næstunni að við Íslendingar séum betur settir að takast á við þessa "peningakreppu" en aðrar þjóðir eftir allt það sem á undan er gengið, við höldum bara áfram að anda með "nefinu".

Ekki þörf á aðgerðapakka

Hvað er vandamálið?

Mikil atgangur er nú í fjölmiðlum vegna ástandsins í gjaldeyrismálum þjóðarinnar.  Allir hafa skoðun á málinu, allt frá því að gera "ekki neitt" og upp í það að ganga í ESB sem fyrst.  Við höfum nú einu sinni ríkisstjórn hér sem á að geta tekið á þessu máli, á meðan verðum við hin að vera þolinmóð og "anda með nefinu" eins og einhver sagði.  Án efa mun ríkisstjórn koma með lausn fyrir morgundaginn og við verðum einfaldlega að treysta því að sú lausn verði sú rétta og að sem flestir geti sætt sig við, það eina sem almenningur fer fram á að sú lausn verði ekki til að rýra eigur almennra skattborgara í landinu með neinum hætti. þ.e. í lífeyrissjóðum eða bönkum þessa lands! Takist ríkisstjórn þetta, þá mun hún standa sterkari eftir.

Biðlað til helstu vinaþjóða

Til hamingju Ísland!

Þá er KR. orðinn bikarmeistari, þetta ætti að gleðja hjörtu allra landsmanna nema þá kannski þeirra örfáu sem ekki eru KRingar inn við beinið.  Svo ætti þetta líka að verða til þess að gengið styrkist eftir helgina, alveg viss um það!!  Og lánshæfismat bankanna batnar (sérstaklega Landsbankans).  Já, öll getum við litið með björtum augum á framtíðina, nú liggur leiðin bara upp á við.  Til hamingju Ísland!!

KR bikarmeistari í ellefta sinn

Aftur til fortíðar!

Nú á almenningur að fjárfesta í ríkinu, ríkistryggð skuldabréf! Hvaða tryggingar eru í þeim, þau verða þá að vera "VERÐTRYGGÐ SKULDABRÉF".  Það er nú þannig að til lengri tíma er ekki hægt að treysta ríkinu að standa vörð um fjármuni almennings, reynslan sannar það.  En hvað ætlar ríkisstjórnin að gera?  Jú hún er nú búin að fresta Sundagöngum sem betur fer (og hugar vonandi í framhaldi að ódýrari kostum í þeim efnum t.d. leið 1.) og einnig frestað byggingu nýja spítalans. En hvað ætla hinir bankarnir að gera til að aðstoða? Ætla þeir líka að fjárfesta í ríkistryggðum bréfum? Þeir hljóta að koma að málinu líka!

Aðeins í örugga höfn

Sorglegt ferli!

Allt er þetta hið leiðinlegasta mál, og verst er þegar maður heyrir eina sögu í gær og aðra í dag.  Ótrúlegt hvernig mál hafa þróast.  Allt í einu er deila Jóns Ásgeirs og Davíð, og hin "litlu samskipti" þeirra frá fyrri tíð orðin aðalmálið hjá stjórnarmönnum í Glitni. Enn og aftur gengur Jón Ásgeir fram og ræðst á Davíð!  Og stjórnarmenn Glitnis taka undir.  Af hverju reyndi Jón Ásgeir ekki að vera betur upplýstur um gang mála í Glitni, af hverju greip hann ekki inn í þar? Af hverju leyfði hann stjórnarmönnum að ganga svo langt að ganga á fund Davíðs ef hann hafði eins mikla fyrirlitningu á honum eins og raun ber vitni?  Ekki er við Seðlabankann og Davíð að sakast, enda hafði hann farið að ráðum þeirra ráðgjafa sem þar vinna og eru nú taldir með þeim hæfustu í þjóðfélaginu.  Gleymum því ekki að Davíð er ekki einn í þessari höll við höfnina! Og gerum ekki lítið úr þeim ráðgjöfum sem þar vinna.     

Sameining Glitnis og Landsbanka ólíkleg