Við Danina segjum við: Don´t worry be happy!

Danirnir eru ekkert í betri málum, þar hefur gefið á í efnahagslífinu eins og annarsstaðar!  Þessi niðursveifla er ekkert okkur  einum að "kenna"  að sjálfsögðu.  Hún er alþjóðleg.  En hvað með Evrópusambandið!  Skyldi það hafa lausnina, ekki held ég það.  Allir bíða eftir því hvað Bandaríkjamenn gera, boltinn er hjá  þeim eins og fyrri daginn.  Evrópusambandið getur lítið annað en horft á þvi allar mótvægisaðgerðir sem skipta máli koma úr öðrum áttum en frá því sjálfu!!

Danir hafa áhyggjur af Íslandi

Hringnum lokað.

Já, lífið snýst í hringi, og nú erum við komin með ríkið aftur í spilið! Eitthvað varð svosem að gera, verðum bara að vona að hinir bankarnir og fjármálastofnanirnar fari ekki sömu leið! Spurning hvernig hluthafar Glitnis fari út úr þessu, ábyrgðin er þeirra, en ekki ríkisins (almennings).  Hluthafar völdu stjórnina sem síðan rak bankann, og kom honum í þá stöðu sem hann er núna! 

Ríkið eignast 75% í Glitni

SUS vill upptöku á erlendri mynt ef hagstæð tilboð fást.

Þetta er athyglistvert, SUS ályktar að ganga í það að kanna hvort hægt sé að taka upp "aðra mynt" í stað krónunnar.  Það er svo sem hið besta mál að kanna þetta, en forgangsatriðið hlýtur þó að vera að ná verðbólgunni niður fyrst, og ganga svo í málin hvað varðar upptöku á annari mynt. Spurningin er hvenær er hagstæðast að framkvæma slíka hluti, á hvaða tímapunkti er það "almenningi" hagstæðast, örugglega ekki meðan verðbólgustigið er hátt.  Vandinn framundan er: hvernig ætlar ríkið að spyrna við í núverandi ástandi, við bíðum og sjáum hvernig ríkið tekur á vandanum í næsta mánuði (fjárlög). Þar hlýtur að koma fram sparnaður, líkt og forystumenn þessa lands hafa farið fram á við almenning!!

Íhuga beri aðra mynt

Enn ein vitleysan í rekstri strætó.

Strætó er orðið eitt mesta "skrípa" fyrirbærið í þessari borg! Hver tilraunin rekur aðra í rekstri þessa fyrirbæris sem strætó bs. er.  Borgin hendir peningum í þennan rekstur ásamt nágrannasveitum í kring, enginn framtíðarplön eru til um þennan rekstur annar en sá að prófa áfram með kostnaðarsamar tilraunir af ýmsu tagi, eins og að knýja vagnana áfram með hinum og þessum nýju orkugjöfum, veita frítt í strætó fyrir valinn hóp fólks í borginni og jafnvel víðar, prófa ýmsar nýjar leiðir í akstri, svo hinn almenni borgari nái nú örugglega "ekki áttum" með hvert hann stefnir með strætó ef hann tekur hann allt í einu einn daginn, og nú vilja menn "þjóðnýta" vagnana með því að gefa jafnvel öllum ungmennum landsins frítt í strætó! Og Landsbyggðin grípur þetta á lofti með því að svara "takk fyrir" en þið í borginni skuluð sjá um að kosta börnin okkar í og úr skóla!  Og "for helvedet! eins og einn landsbyggðar bæjarstjórinn á að hafa sagt samkv. fréttinni!! 

Segja þvert nei við kostnaði

Enginn veit hvað átt hefur fyrr en misst hefur!

Það er  þetta með  hvað varðar áhættufíklana.  Davíð Oddsson hafði allt það sem segja þurfti um málið um í viðtali við stöð 2.  Þar kom "mergur málsins" fram!   

Áhættufíklar sendir í meðferð

Hver var kostnaður R-listans við þessa tilraun?

Þetta var bara eitt dæmi um tilraunaverkefni R-listans á þessum tíma! Ekki kemur fram í fréttinni hver kostnaður borgarbúa var af þessu verkefni!  Og ekki lærðum við mikið af þessari tilraun!  Það á ekki að vera í verkahring borgarinnar að sinna verkefnum sem þessum og það fyrir svo fáa sem nýta sér þjónustu sem þessa eins og við þekkjum öll hvað varðar strætó.  Þetta varð hvorki "smart" né "snjallt" hjá vinstrimönnum í borginni frekar en annað sem þeir hafa tekið sér fyrir hendur í gegnum tíðina! Einungis baggi á borgarbúum.  Vonum að vitleysu sem þessari sé nú lokið!

Smartkortakerfið klúðraðist

Hið eina rétta!

Án efa er þetta sú besta lausn sem gæti orðið á málum Reykvíkinga og skapað ró og vinnufrið í Ráðhúsinu næstu misserin.  Framsókn gerir rétt með þessu að ganga til samstarfs við Sjálfstæðismenn, hefði annars orðið undir í samstarfi við gamla R-lista liðið og lítt áberandi, þetta verður án efa til þess að styrkja framsóknarmenn í Reykjavík til lengri tíma og ekki veitir þeim af.  Hef grun um að Óskar muni styrkja sig mjög innan framsóknarflokks með þessum gjörningi.

Hanna Birna og Óskar á fundi

Rokkstjörnufögnuður!

Þegar maður hefur átt leið um Evrópu, þá hefur það komið manni oft á óvart hve fólk er latt með að skilja enskuna og oft hefur maður lent á fólki sem hefur bara yppt öxlum yfir því, þegar maður hefur reynt að spyrja fólk spurninga á förnum vegi!  Nú ber hinsvegar svo undir að Rokkstjörnupólitíkus heldur ræðu yfir hundruðum þúsunda manna samkv. frétt mbl. á ensku.  Pólitíkusinn sagði ýmislegt um sín stefnumál og fólk fagnaði að lokinni hverri setningu hans af mikilli innlifun og nánast sem móðursýki hefði gripið mannskapinn!  Efast nú samt að Þjóðverjarnir hafi skilið almennt hvað hann var að segja að mestu leyti, og þá sérstaklega með tilliti til þess fjölda sem þarna var.  Þjóðverjar eru nú reyndar frægir fyrir tryllast þegar svona "rokkstjörnur" byrtast enda mörg dæmi þess úr fortíðinni (enda frægir fyrir múgæsingar). Reyndar kemur fram að mikill fjöldi var af túristum og ungu fólki, enda virðist sem "Rokkstjarnan" nái vel til þess hóps fólks.  Það skyldi þó aldrei vera að þarna sé "ný stjarna" fædd.

Obama tekið sem rokkstjörnu

Hverjir eiga að ráða málum sínum?

Það virðist sem Þórunn Sveinbjarnardóttir (umhverfisráðherra) vilji hafa allt með orku og auðlindamál að gera og færa allt vald í þeim til sín!  Rétt eins og þeim sé best komið þar!  Það er skondið með Samfylkinguna, að hún virðist bæði vilja halda og sleppa þegar kemur til ákv. töku í virkjanamálum sem dæmi?  Ef við ætlum að halda uppi hagvexti hér næstu misserin, þá verður ekki hægt að hlaupa á eftir "duttlungum" einstakra ráðherra.  Nóg er nú vald Umhverfisráðherra orðið nú þegar!  Ef lyfta á skóflu til að stinga niður einvherstaðar á landinu, þá þarf leyfi Umhverfisráðherra!  Þetta vald á að sjálfsögðu að vera í höndum Íbúanna á hverjum stað, enda geri ég ráð fyrir að það sé það sem landsmenn vilji! 

Harðari tónn í garð samstarfsflokksins

Já, hvað myndi Jón Sig. segja!?!

Ræða Geirs Haarde, var sumpart athyglisverð, en þó líka nokkuð hefðbundin þjóðhátíðarræða að venju.  Athygli vakti þó að hann minntist á orð forseta alþingis í Jónshúsi í köben, þar sem hann hélt ræðu fyrir nokkru, er hann spurði hver myndi vera afstaða Jóns Sigurðssonar til aðildar að Evrópusambandinu.  Ekki fást svör við því frá Jóni á næstunni eins og gefur að skilja!  En líklega er nú gefið í skyn að svarið lyggi í loftinu.  Og nokkuð ljóst að ekki væru menn að berjast fyrir frelsi þjóðarinnar með ráð og dáð til þess eins að gangast síðan undir hæl annarra þjóða í Evrópu með framsali á áunnum réttindum okkar í gegnum tíðina!  Við minnumst þess í dag að við erum bara búin að vera frjáls þjóð í rúm 60. ár. Og frelsisbaráttan er enn í gangi, það er auðvelt að glata lýðræðinu á altari Evrópusambandsins.  Við höfum séð lýðræði komast á víða í heiminum, en einnig tapast hjá mörgum í gegnum tíðina.  Sagan er full af þessum atburðum.  Stöndum því vörð um okkar lýðræði áfram sem endranær.  Gleðilega Þjóðhátíð.

Forsætisráðherra bjartsýnn