Ummæli Leiðtoga Ríkisstjórnar hreinn brandari!

   Ljóst er að Ríkisstjórn á erfitt að sætta sig við þessi málalok.  Ríkisstjórn dró aldrei lögin til baka, en það gerði þjóðin í kvöld.  Þetta var ein besta kjörsókn sem mælst hefur í Evrópu á undanförnum árum í einstökum málum og sýnir að þjóðin er vel vakandi yfir málum sem þessum!  Sorglegt að sjá hvernig Steingrímur snýr út úr um þetta mál.   Ríkisstjórnin sem hélt sig heima í kosningunum hefur verið borin ofurliði af almenningi í þessu máli, sem sýndi mátt sinn og meginn og mætti til að kjósa gegn ríkjandi lögum um ICESAVE.  Með "lýðræðislegum" hætti sýndi þjóðin að hægt er að koma í veg fyrir skemmdarverk á við þau sem þessi Ríkisstjórn hefur ástundað í þessu máli.  Forvitnilegt að fylgjast með framhaldinu í þessu máli.  Athyglisverð ummæli Steingríms varðandi starf sitt.  Hann spurði erlenda fréttamenn að því hvort þeir vissu um einhverja sem til væru í að taka við starfi sínu?  það er vitað mál að þeir hefðu getað svarað því svo til að fjöldi Hollendinga og Breta væru tilbúnir að taka við "djobbinu" af Steingrími sem greinilega er orðinn þreyttur á því, það eitt er víst!

Jóhanna: Kom ekki á óvart

Nýtum lýðræðislegan rétt okkar og kjósum!

  það er skylda allra að mæta og kjósa, sama hvað menn ætla að gera í kjörklefa, um þrennt er að ræða já, NEI eða auður seðill.  Það virðist þó ljóst að sumir innan stjórnarinnar ætla að hunsa lýðræðið og mæta ekki!  Þetta sama fólk hefur barist fyrir auknu beinu lýðræði en vill svo ekki mæta þegar mál sem þeim þóknast ekki eru borin fyrir þjóðina, og telur svo atburð sem þennan "marklausan".  Við hin mætum þó og látum skoðun okkar í ljósi með réttum hætti í þessu mikilvæga máli.

Atkvæði greidd um Icesave-lög

Brunaútsala?

   Nei, annars verða þetta án efa skemmtilegar viðræður sem munu eiga sér stað á næstu misserum, og spennandi fyrir marga að komast að því hvers virði þetta land er í augum annarra þjóða.  Hvert er raunvirði þessarar eyjar sem við búum á, það mun líklega koma þá í ljós þegar viðræðum líkur sem verður örugglega fyrr en seinna ef maður þekkir embættiskerfið rétt.

Munu mæla með aðildarviðræðum

Merkileg lítil frétt!

   Athyglisvert að lítið sé fjallað um þetta nema með svona lítilli frétt, en líklega er fólk upptekið af öðrum spennandi stærri hamfara fréttum á borð við ICESAVE og önnur skuldamál sem almenningur berst við og því ekki mikill áhugi á svona litlum fréttum!!

Skuldatryggingarálag lækkar

Löngu fyrirséð.

   Þetta kemur ekki á óvart, því fyrir löngu er séð að þetta yrði þungt í vöfum þetta stjórnarsamstarf.  Mjög ólíkar áherslur milli þessara tveggja flokka.  Eina sem hefur haldið þeim saman eru áhyggjurnar af því að Sjálfstæðismenn kæmust til valda aftur.  Allt hefur verið gert og öllu kostað til þess að halda þeim frá völdum.  Nú er augljóst orðið að VG. vill ekki neinar aðgerðir að nokkru tagi til að efla atvinnulífið að einhverju tagi, þeir hugsa eingöngu um að verja Ríkisbáknið með öllum mætti og helst efla það.  Samfylking spilar með og þenur út kerfið í samstarfi við VG. en eiga litla möguleika á að finna arðbærar framkvæmdir til að fjármagna alla þennsluna í kerfinu sem þeir og VG. standa fyrir!

Biðla til Framsóknarmanna

Rætt um fyrningarleið!

   Ræða á fyrningaleiðir þarna fyrir austan í ljósi óska Samfylkingarinnar í þeim málum, kannski væri góð hugmynd fyrir þetta fólk að ræða í leiðinni á hvernig tengja megi Samfylkinguna við þessa fyrningaleið, er ekki ráð að sjá til þess að hún (Samfylkingin) fyrnist á svipuðum tíma eða jafnvel fyrr!!

Fundað um afleiðingar fyrningarleiðar

Og Ríkið hækkar enn skattana!

   Ekki veitir alþýðunni af meiri skattahækkunum á þessum síðustu og verstu!  Nú er hækkað vegna kolefnisgjalds.  Næst má ætla að Ríkið hækki eldsneytið og má búast við álögum eins og t.d. svifryksskatti og fl. Alþýðan setur sig hvort sem er ekkert á móti þessu, þar sem hún er alltof upptekin við að rannsaka efnahagshrunið og leita nýrra samninga vegna Icesave ánauðarinnar.  Á meðan hefur Ríkisstjórnin frí spil á hendi og nýtir tækifærið til skattahækkana á meðan Alþýðan sefur!   

Orkan hefur ekki hækkað

Slæmar fréttir betri en engar fréttir.

   Í þessum "bransa" virðist sem að hverskyns fréttir héðan af skerinu séu betri en engar.  Þetta er svo sem ekkert nýtt, en auðvitað eigum við að nýta okkur allt umtal varðandi Ísland og nýta okkur það á jákvæðan hátt.  Þetta er eins og með allt "gossip" hvar sem er, alltaf er hægt að gera mat því sem öllu öðru. 

Efnahagshrun eykur áhuga

Sterkur framboðslisti Sjálfstæðisflokks í Reykjavík.

   Úrslit í prófkjöri Sjálfstæðisflokknum í Reykjavík liggja fyrir, og ljóst að listinn er feiknasterkur, hjá því verður ekki litið framhjá.  Inn koma nýir fulltrúar og fyrrum borgarstjóri hverfur af listanum.  Hanna Birna Borgarstjóri hefur haft feiknargóð tök á málum í borginni það sem af er á kjörtímabili hennar.  Með henni starfa reyndir fulltrúar sem áfram munu starfa með hagsmuni borgarbúa að leiðarljósi.  Júlíu Vífill, Kjartan Magnússon og Þorbjörg Helga koma þar á eftir henni, fólk sem hefur getið sér gott orð í borginni og haft í einu og öllu hagsmuni borgarbúa að leiðarljósi.  Miklu máli skiptir að borgarbúar tryggi Sjálfstæðisflokknum meirihlutann í borginni í vor, þar sem nauðsyn krefur á þessum tímum að stjórnmálamenn tali ekki hver í sína áttina, heldur nái að koma sér saman heilsteyptir í aðgerðum um  hvaða efnur og áherslur eigi að vinna eftir á næstu misserum.  Öllu máli skiptir að gætt verði aðhalds í fjármálum borgar og tilraunaverkefni af ýmsu tagi látin bíða betri tíma og gætt verði að því að Ríkisvaldið nái ekki tökum á Borgarkerfinu með ýmsum af sínum kröfum sem krefjast gætu þurft auknar álögur á Borgarbúa, nefni t.a.m. ævintýrið í kringum Tónlistarhöllina ofan í höfninni og fl.

Í anda Vinstri Grænna.

   Þetta kemur ekkert á óvart.  það eina sem Vinstri Grænum er kært er Fréttastofa Ríkisútvarpsins.   Það hefði svo sem vantað í ályktun þeirra VG. að fara fram á sölu þessa bákns að sjálfsögðu, þá næðist nú heldur betur fram  sparnaður!  En í því árferði sem er, þá er ekkert óeðlilegt að menn skrúfi niður laun yfirborgaðra sjónvarpsstjarna og annarra stjóra á stöðinni, ef þær eru til staðar þar.  Þessi stofnun hlýtur að verða að lúta sömu lögmálum og ríkja á hinum almenna vinnusmarkaði, annarstaðar hér á landi hvað varðar laun og kjör starfsmanna.  Auk þess að taka þyrfti á málum hvað varðar samkeppni í efnisvali miðilins gagnvart öðrum miðlum eins og t.d. 365. miðlum og Skjá einum t.a.m. en þar hallar heldur betur á gagnvart þeim síðarnefndu!

RÚV harmar ályktun VG