Skrítið.

Það fylgir ekki fréttinni, hvað hafi valdið þessari óvæntu hækkun! Yfirleitt eru menn með skýringar á reiðum höndum fyrir þeim breytingum sem verða á mörkuðum hverju sinni, en ekki núna? Hvað veldur?

Bandarísk hlutabréf hækkuðu óvænt

Einhvern tíma er allt fyrst!

Hvar annarsstaðar í veröldinni hefði IKEA getað átt von á þvi að þurfa að falla frá verðtryggingastefnu sinni.  Þegar Ísland á annars vegar í hlut, þá þarf ekkert að koma á óvart, ekki nokkurntímann einu sinni.  Allt getur gerst á litla Íslandi, það þekkjum við bara úr sögunni.  Við Íslendingar erum náttúrulega alveg einstök þjóð, við förum alltaf okkar eigin leiðir, við erum bara svona "léttgeggjuð" að eðlisfari. 

IKEA hækkar verð um 25%

Evrópa er í umræðunni alla daga!

Það er rétt að það þarf að skoða málin rækilega hvað varðar Evrópusambandið, og engir hafa verið duglegri að því þó en Samfylkingin undanfarna mánuði!  Fjölmiðlar ( sem eru í eigu okkar vinsælu útrásarmanna) hafa líka verið uppfullir af því að segja frá ferðum Íslenskra embættismanna til annarra ESB landa, þar sem menn hafa verið að kanna grundvöll þess að ganga í Sambandið.  Svörin þar hafa þó verið frekar neikvæð hingað til, enda vill ESB  allt eða ekkert frá okkur.  Stóra málið er þó þetta, að ef við getum ekki komið okkar málum á hreint sjálf, þá getur það enginn, ekki heldur ESB.  Við munum án efa ekki komast þangað inn á næstunni, því við verðum fyrst að taka til heima hjá okkur sjálfum.  Ætlar ESB að aðstoða okkur með lánin sem við erum að taka?

Tilbúin að endurskoða afstöðu

Þetta er einmitt málið.

Það verður athyglisvert að fylgjast með mörkuðum erlendis næstu vikurnar, ef þetta gengur eftir að Demókratar sigra.  Það er sannkölluð veisla framundan fyrir Hagfræðinga af öllum gerðum að spá í hvernig málin þróast með sigri Demókrata.  Eflaust mun meirihluti þeirra hér á landi telja þetta verða til bóta fyrir hagkerfi heimsins, svo heyrist manni allavega af þeim flestum sem hafa haft sig í frammi hér í fjölmiðlum (og eru þeir ansi margir, sérstaklega í Háskólum þessa lands).  Lítið er hlustað á fjármálamenn þessa daganna, eða viðskiptamógúla af einu eða öðru taginu, því þeir virðast ekki vera mikið vinsælir í ljósi ástandsins hér þessa dagana.  Nú er tími hagfræðinganna runnin upp, Það er veisla hjá þeim!

Murdoch: Sigur Obama gæti dýpkað fjármálakreppuna

Hver skaðar hvern?

Það er greinilegt að Utanríkisráðherra hefur miklar áhyggjur að orðspori Íslendinga á erlendri grundu.  Hún ætti að þekkja það, þar sem hún hefur verið mikið á "flakkinu" síðasta árið.  Ekki þekki ég það, enda lítið ferðast, bara horft á erlendu fréttarásirnar, sem ekki hafa átt neitt viðtal við Davíð að því er ég hef séð.  En þó átt viðtöl við ýmsa aðra héðan af "Los klakos" eins og einhver sagði! Það má þó segja að  Davíð sé vel virtur erlendis, enda verið lengi í pólitíkinni og örugglega gefið mörgum góð ráð vítt og breitt um veröldina.  En hvað með Bankastjórnina í Seðlabanka, þar sem Samfylking á nú sæti m.a.?

Ingibjörg segir Davíð skaða orðsporið

Og það sama verður uppi á teningnum fyrir Október.

Nokkuð ljóst er að vöruskiptin verða almennt hagstæð fyrir landið í haust, enda bókstaflega búið að skrúfa fyrir mikinn hluta af innflutningi á ýmsum vörum.  T.d. bílar,  vinnuvélar, og fl. Mikið er um útflutning á bílum meira að segja og ýmsum öðrum vörum. Útlendingar flykkjast til landsins til að versla, svo þetta ætti allt saman að hjálpa til  við að bæta stöðu okkar, auk þess sem útflutningsverðmæti fisks og áls stóreykst.

Vöruskipti hagstæð í september

Skjár einn leitar eftir stuðningi almennings.

Skjár einn hefur sett í gang undirskriftarsöfnum til að ýta á eftir því að Þorgerður Katrín og Ríkisstjórn Íslands leiðrétti skakka samkeppnisstöðu á auglýsingamarkaði og tryggi veru frjálsra fjölmiðla á ÍSLANDI.  Þetta er jú sjálfsögð krafa frá þessari framsæknu sjónvarpsstöð sem hefur náð að gleðja alla landsmenn með einum eða öðrum hætti, nema kannski dyggustu stuðningsmenn Ríkisútvarpsins, sem flestir eru í eldri kantinum skiljanlega.  Ríkisútvarpið er ágætt út af fyrir sig, gallinn á því er þó að það nær ekki að fylgja þessum tíðaranda eftir, sem er svosem allt í lagi líka.  En við verðum þó að halda þessum hlutum aðgreindum og leyfa nýjum hugmyndum að dafna og vaxa í samkeppnisumhverfi, þessum markmiðum verður ekki náð með því að "fórna" nýgræðingunum í því efnahagsástandi sem við förum nú í gegnum.  Við eigum að sameinast í að verja þá frumkvöðlastarsemi sem byggð hefur verið upp og hjálpa til við að verja þá.  Nú stendur það upp á Ríkið að grípa inn í og veita fjölmiðlum það frelsi að fá að keppa innbyrðis á jafnréttisgrundvelli eins og t.d. auglýsingamarkaði.  Annars hverfum við hratt áratugi aftur í tímann í fjölmiðlaþróuninni og verðum með aðeins: EINA RÍKISRÁS, EINA AUGLÝSINGASTOFU, EINA FRÉTTASTOFU, o.s.frv.

Verið að segja 45 starfsmönnum upp á Skjá einum

snúið mál!

Þetta sýnir að málið getur orðið ansi snúið, því það að finna óháða aðila getur orðið erfitt í okkar litla samfélagi!  Kannski verður að koma óháður aðili sem hafi yfirumsjón með þessu erlendis frá, ef ekki er hægt að ganga í þetta hér á landi. Það er ýmislegt sem getur orðið snúið í þessum bankamálum á næstunni.

Álíta sig hæfa til að rannsaka syni sína

Ekki vanþörf á að komast til botns í málinu.

Það hlýtur að vera forgangsmál að vita þetta með séreignarsparnað fólks, tugir þúsunda landsmanna eiga í þessum sjóðum og fólk vill fá það á hreint sem fyrst, hvernig mál standa með þessa sjóði, almennt hefur fólk ekki fylgst með þessum sjóðum frá degi til dags, þannig að án efa vill fólk fá það á hreint hvort þessir sjóðir séu öruggir eins og forsvarsmenn ríkisstjórnarinnar töluðu um vin hrun bankanna!  Ekki vill fólk vera að greiða í þessa sjóði ef greiðslunum er svo bara "beint sturtað niður".

Sjóðir fá fjölda fyrirspurna

Reynt að sauma að Seðlabankastjóra.

Stýrivextir hækkuðu í 18% í dag.  Fjölmiðlamenn mættu í Seðlabankann til að hlýða á útskýringar Davíðs fyrir hönd Bankastjórnar á ástæðum fyrir þessari hækkun.  Í lok fundar reyndu fjölmiðlamenn að sauma að Davíð, hvað varðaði stöðu hans í bankanum!  Ekki er fjallað um þær rökræður  á netmiðlunum, en mér skilst að þar hafi verið spurt eitthvað á þá leið hvort hann hefði fengið uppsagnarbréf, en hann svaraði á móti að því er mér skilst (haft eftir öðrum sem hlustaði á blaðamannafundinn) hvort blaðamaður sjálfur, væri búinn að fá uppsagnarbréf!  En að öllu gamni slepptu, þá er náttúrulega ekki rétti tíminn núna fyrir menn að vera að kasta "steinum" í allar áttir, menn verða að fá frið til að vinna úr þeim vanda sem nú steðjar að, hitt kemur síðar!!

Vaxtahækkun vegna IMF