Orð Árna P.

"Við hefðum hingað til viljað trúa því að sá tími að stór ríki í Evrópu misbeittu stærð sinni og aðstöðu til að kúga minni nágrannaríki, við hefðum viljað trúa því að sá tími væri liðinn!" segir Árni Páll.  Ágreininginn hefði átt að fela Evrópudómstólnum til að leysa úr.  Því var HAFNAÐ af Evrópusambandinu.  Þetta segir maðurinn sem trúir því statt og stöðugt að við hefðum verið betur stödd í  Sambandi Evrópuþjóða?  En þarna lýsir hann sjálfur eðli Sambandsins í hnotskurn!  Stærri ríki Sambandisins traðka einmitt á smærri ríkjunum og þannig verður það einmitt þegar óskum kratanna og fleirri verða uppfylltar hvað varðar inngöngu okkar inn í Sambandið.  Við verðum áfram "peðin" í Sambandinu sem menn verða tilbúnir að fórna fyrst og traðka á þegar á reynir.

Eru nú fyrst að átta sig á alvarleika málsins

Orð Árna P.

"Við hefðum hingað til viljað trúa því að sá tími að stór ríki í Evrópu misbeittu stærð sinni og aðstöðu til að kúga minni nágrannaríki, við hefðum viljað trúa því að sá tími væri liðinn!" segir Árni Páll.  Ágreininginn hefði átt að fela Evrópudómstólnum til að leysa úr.  Því var HAFNAÐ af Evrópusambandinu.  Þetta segir maðurinn sem trúir því statt og stöðugt að við hefðum verið betur stödd í  Sambandi Evrópuþjóða?  En þarna lýsir hann sjálfur eðli Sambandsins í hnotskurn!  Stærri ríki Sambandisins traðka einmitt á smærri ríkjunum og þannig verður það einmitt þegar óskum kratanna og fleirri verða uppfylltar hvað varðar inngöngu okkar inn í Sambandið.  Við verðum áfram "peðin" í Sambandinu sem menn verða tilbúnir að fórna fyrst og traðka á þegar á reynir.

Eru nú fyrst að átta sig á alvarleika málsins

Bjóðum þá velkomna!

Sýnum þeim að við séum friðelskandi þjóð! Tökum á móti þeim með blómum og fáum Lúðrasveit verkalýðsins til að spila við móttökuna og sendum liðið í Bláa Lónið og fl.   Fáum svo spaugstofumenn í gervi ráðherranna okkar til heilsa upp á þá, enda eru okkar ráðherrar nógu uppteknir í að leysa úr öðrum flækjum!  Reynum að gera vistina þeirra hér sem minnistæðasta, svo þeir geti nú snúið heim að loknum æfingum með réttláta sýn af landi og þjóð!  Bara muna að láta þá borga áður en þeir snúa til baka. Hvert PUND skiptir máli á þessum síðustu og verstu!!

Móðgun ef Bretarnir koma

Styður minnihluti stjórnina!?!

Það er ljóst að vinsældir ríkisstjórnar hafa minnkað á þessu hausti í ljósi þeirra atburða sem átt hafa sér stað undanfarið.  En Fylgi flokkanna er enn sterkt og yfirgnæfandi.  Þannig að miðað við könnunina er fólk að refsa Ráðherrum en ekki öllum þingmönnum stjórnarflokkanna í þessari könnun blaðsins.  En svo má spyrja hvað fólk vildi sjá í staðinn! Ekki væri gott að láta kjósa núna t.d. og fara þá úr "öskunni i eldinn".  Ekki gæti maður séð t.d. að Samfylking og Vinstri grænir gætu unnið saman!  Enda þeir vinstri á móti ESB. þótt sumir þar séu nú eitthvað að snúast í þeirri umræðu eins og gengur þegar krónan okkar fer á flakk eins og gerst hefur nú! 

Minnihluti styður stjórnina

Jafnrétti kynjanna í hnotskurn!!

Þá er það á hreinu, karlmaður tekinn framyfir kvenmann í kosningu í hinu jafnréttissinnaða sambandi ASÍ!  Tveir jafnhæfir einstaklingar í framboði, en ljóst er að konur þurfa að bíða lengi enn eftir að ná áhrifum fyrir alvöru innan verkalýðshreyfingar.  Merkilegt í ljósi þess að kröfur eru háværar um að þær nái frama á hinum almenna vinnumarkaði, og fólk innan hreyfingarinnar sett fram hugm. um að konur skuli ná til æðstu metorða innan vinnumarkaðarins með góðu eða illu, en það á þó ekki við innan verkalýðshreyfingarinnar.  VR hefur haft hátt í þessum efnum t.d. en hvað segir það félag nú um þessa niðurstöðu!  Það er ekki það sama Jón og Séra Jón í þessum efnum frekar en öðrum. Lífið er jú endalaus pólitík!!

Gylfi nýr forseti ASÍ

Og ríkið tapar!

Það kom svo sem ekki á óvart að framkvæmd við þjóðminjasafn færi fram úr áætlun, en það er undarlegt þetta með verktakann hvernig hann gat farið frá verkinu ókláruðu, fór þetta fyrirtæki þá á hausinn?  Það segir að þegar halla tók undan fæti hjá verktakanum, þá segir hann sig frá verkinu með "samningi" við Framkvæmdasýslu ríkisins.  En líklega skiptir þetta mál fólki litlu, á þessum síðustu og verstu tímum í þjóðfélaginu. 

Ríkið borgi 130 milljónir

Þetta hljóta að teljast góðar fréttir!?!

Olían lækkar og lækkar, hún er aðeins 50% af því verði sem hún var fyrir ekki svo löngu síðan! Þ.e. úti í hinum stóra heimi!!

Olíuverð undir 65 dali

Góðar fréttir á þessum síðustu og verstu...!

Þetta ættu að vera gleðifréttir fyrir alla fjölmiðlamenn, enda nærumst við á fréttum um allt og alla meira hér á landi en víðast hvar annarstaðar.  Og ekki hefur æsingurinn minnkað nú upp á síðkastið hjá fjölmiðlum enda engin gúrkutíð í bransanum, hvorki hjá blaðamönnum eða "bloggurum".

Fjölmiðlafrelsi mest á Íslandi

IMF eða Rússagull?

Nú stendur "baráttan" um það að fá gjaldeyri inn í Seðlabankann á milli Alþjóðagjaldeyrissjóðsins eða hið svonefnda Rússalán.  Samfylkingin vill bjarga málum með láni frá IMF en sumir aðrir vilja skoða Rússalán t.d. Seðlabankinn að því er virðist.  Hvorug lausnin er góð.  En skyldi ástæðan fyrir því að Samfylking vilji ekki sjá Rússalán núna sé sú pólitíska ástæða að Samfylking vilji ekki styggja Evrópusambandið?  Samfylking rær öllum árum að því að koma okkur inn í ESB sem fyrst og veit það að illa yrði litið á það innan ESB að Ísland væri með Rússalán á herðunum í viðræðum við ESB.  Björn Bjarnason talar um "geopolitiskan" leik hjá Rússum.  En ef kjörin eru okkur hliðholl, þá hljótum við að skoða þá möguleika í ljósi aðstæðna á fjármálum heimsins í dag!

Engin niðurstaða enn

Engar smáupphæðir!!

Þetta eru engar smáupphæðir sem tapast hafa á mörkuðum um heim allan vegna fjármálakreppunnar.  Það skiptir því miklu máli að ráðamenn um heim allan haldi rétt á spilunum með það að markmiði að koma peningamálum heimsins í réttan farveg.  Athyglistvert verður að sjá hver áhrifin verða með aukinni seðlaprentun Seðlabanka um allan heim á efnahagslífið.  Afskriftirnar í fjármálaheiminum eru hreint ótrúlegar og sýna hve langt menn voru búnir að spenna bogana, hverju svo sem um er að kenna í þeim efnum!

Heimshrunið nemur milljón milljörðum króna