Allt i nafni "hagræðingar".

   Athyglisverð aðferð hjá Borginni í sorphirðumálum eins og í ýmsu öðru þar á bæ.  Sorpbílarnir keyra saman um Borgina oft á tíðum og taka þetta með einhverri aðferð sem á að virka þannig að allt á að klárast á ákv. tímum innan ákv. marka og með ákv. hætti o.s.frv.  en gleymist svo að við búum á "Íslandinu góða", þar sem veður eru oft válind og ekki allt eftir bókinni þar.  En á því taka skipulagsyfirvöld ekki tillit til, heldur eru stefnur og reglur settar með það fyrir augum að það "sparist" sem mest af aurum útsvarsgreiðenda til að greiða fyrir önnur gæluverkefni Borgaryfirvalda sem stofnuð hafa verið á s.l. misserum til að standa undir kostnaði við að reka "stofur" sem gæta eiga ýmissa smárra hagsmunahópa innan Borgarkerfisins, og því eru heildarhagsmunahóparnir látnir sitja eftir og sparað sem mest þar sem þörfin er "stærst".  

Ruslajól í Breiðholti

Athugasemdir

[Filippus Jóhannsson. (IP-tala skráð) 25.12.2014 kl. 00:38]

Þetta er eftir öðru hjá borginni, þetta er meirihlutinn sem fólk kaus en enginn vill kannast við að hafa kosið.

[Herbert Svenson (IP-tala skráð) 25.12.2014 kl. 01:07]

Bara til að hafa það á hreinu þá er megin ástæðan fyrir því hversu erfitt hefur verið að losa ruslið undanfarið sú að fólk upp til hópa virðist ekki með nokkru móti geta drullast til að moka frá tunnunum. Hvað með ykkur herramenn, var búið að moka frá ykkar tunnum fyrir síðustu losun? 

[corvus corax, 25.12.2014 kl. 02:39]

Það er ekkert mál að losa sig við ruslið. Bara setja það í snyrtilegan haug út á næstu gangstétt og láta svo borgina um það hvort það verður hirt eða ekki. Fólk á ekki að láta bjóða sér svona þvætting að það hafi bara ekki verið nægur tími til að klára sorphreinsun. Ef stefnir í að ekki takist að klára verkin verður bara að setja meiri mannskap og fleiri tæki í verkið. Greiða borgararnir annars ekki sorphirðugjald? Fá þeir kannski afslátt af því þegar svikist er um þjónustuna?

[Filippus Jóhannsson. (IP-tala skráð) 25.12.2014 kl. 14:17]

Slælegum vinnubrögðum borgarinnar á mokstri í húsagötum borgarainnar er meginorsök tafa á ssorphirðu. Að sjálfsögðu ef þeir sem fyrir eru hafa ekki undan á að bæta við mannskap og tækjum.