Varnarsamstarfið mikilvægt.

   Þetta atvik sem önnur sýnir að varnarsamstarf vestrænna þjóða er mjög mikilvægt enn í dag þrátt fyrir að friður ríki.  Athyglisvert er hve langur tími líður frá því að atviki á sér stað og Varnarmálastofnun flytur fréttir af því!  Er það svo að Varnarmálastofnun fær svona seint að vita af atvikum sem þessum eða er stofnunin svona lengi að greina málsatvik af þessu tagi, að hún getur ekki fjallað opinberlega um það fyrr en tæpum hálfum mánuði síðar?

Rússneskar sprengjuflugvélar á ferð 16. júní

Athugasemdir

[Sigvaldi Eggertsson (IP-tala skráð) 27.6.2009 kl. 13:57]

Ég sé ekki að það komi varnarsamstarfi neitt við hvort að herflugvélar í æfingaflugi fljúgi um langt utan lofthegli landsins (lofthelgi Íslands er 12 sjómílur, rétt eins og landhelgin)

Ástæða þess að Varnarmálastofnun kýs að birta þetta núna er umræða síðustu daga um  nauðsyn þess að leggja stofnunina niður.

Þeir eru einfaldlega að reyna að finna sér tilverurétt.

[Jón Valur Jensson, 28.6.2009 kl. 16:05]

Þetta innlegg Sigvalda er dæmigert fyrir andvaraleysi meintra friðarsinna hér á landi. Friðarsinnar í Frakklandi buðu heim innrás þýzka hersins 1940 með fyrirhyggjuleysi sínu, og fyrirrennarar Steingríms í gamla Alþýðubandalagskjarnanum stóðu jafnvel í því að réttlæta innrás Rússa í Finnland. – Svo er skýrt tekið fram í fréttinni, að þessar öflugu Tu-95-sprengjuflugvélar, sem geta borið kjarnorkuvopn, hafi farið inn fyrir lofthelgi Íslands.