Velkomin í hóp hins þögla meirihluta sem óánægðir eru með fréttast. RÚV.

Seint er betra en aldrei! Ólína er loks að átta sig á hvernig fréttafl. RÚV. er til hagað. Hlutleysi er eitthvað sem er fáheyrt frá fréttast. RÚV. Í mörgum málum hefur fréttast. RÚV flutt fréttir með áherslum á aðra hlið mála, en ekki virt viðlits oft á tíðum að leita skoðanna hjá fólki hvað varðar HINA hlið þeirra sömu mála. Má þar nefna t.a.m. ICESAVE málið, Evrópusambandsumræðan, stjórnlagaþingsumræðan, stóriðju umræðan, og svo mætti nefna eitt klassíkt hjá þeim á RÚV, og það eru pólitískar umfjallanir af erlendum vettfangi í kringum kosningar í hinum og þessum löndunum, þar sem oft á tíðum hefur verið haldið á lofti lofsyrðum um fólk á vinstri væng stjórnmála í viðkomandi löndum en lítill gaumur gefinn á því að fara ofan í stefnur og skoðanir manna á hægri væng stjórnmála. En kannski er þetta bara "normal" fyrir okkur hér uppi á skerinu að vera með stofnun eins og RÚV sem getur matað ofan í okkur fréttirnar og staðið fyrir "forræðishyggju" sem við öll erum svo hrifin af, nema kannski ÉG!

Gagnrýnir fréttaflutning RÚV

Snjóboltaleiknum frestað!

Í staðinn verður leikinn "fótboltaleikur" á Þriðjudaginn, skynsöm ákvörðun. Og koma svo: Áfram KR.

Breiðablik - KR verður á þriðjudagskvöldið

Stjórnarkreppa, það sem til þarf!

Hvernig komumst við upp úr kreppunni hér á landi, líklega væri lausnin sú að Ríkisstjórnin spryngi og við sætum hér uppi með enga stjórn á eftir. Örugglega yrði sú lausn ekki verri en sú að sitja uppi með stjórn á borð við þá sem við höfum nú yfir okkur! Ríkisstjórn eins og sú sem nú situr, hefur engar lausnir fram að færa til að skapa hér arðvænlega framtíð fyrir þegna þessa lands. Hún situr í skjóli þess að halda þeim draumi á lofti að komast inn í ESB annars vegar og hins vegar að byggja upp einhverskonar druamaríki, þar sem ósnertanleikinn við náttúru lands og auðlindir ráða ríkjum, nema undir ströngu eftirliti hinna stjórnvaldsettu yfirboðara okkar, sem nú um sinn eru stjórnvöld og seinna meir verður Brussel báknið. Það eru jú til þjóðir sem hafa komist af án Ríkisstjórna til skemmri tíma. Hvernig væri að prófa!

Borgarstjórinn til í allt.

Gnarrinn eins og hann er oft kallaður ætti að geta boðið sig fram í allar æðstu stöður á næstunni, þ.e. til forystu í landsmálum og jafnvel til forseta, enda virðist margt fólk vera til í kjósa hvað sem er, hvar sem er! Svo þarf hann ekkert að vinna sjálfur, hann lætur einfaldlega embættismannaliðið sjá um að framkvæma hlutina. Sjálfur heldur hann áfram að leika, kannski slær hann í gegn í henni HOLLYWOOD, enda margir skondnir karakterar sem slá þar í gegn.

Gnarr vekur mikla athygli

Til hamingju fjölmiðlafólk.

Nú býst maður við að fjölmiðlafólk gleðjist yfir þessu öllu. Enda tökin hert í bransanum. Komin er upp sérstök Fjölmiðlanefnd pólitísk sem á að geta beitt sektum og fl. gagnvart hinum frjálsu miðlum í landinu. Blaðamannafélag Íslands og félag fjölmiðlakvenna hafa mótmælt ákvæðum í lögunum en að sjálfsögðu hlustar jafnréttisríkisstjórn Jóhönnu ekki á slíkt frekar en ýmislegt anað þessi misserin! Því getur maður ekki annað sagt en "verði ykkur að góðu" Stóri bróðir hafði sigur í þessu máli.

Fjölmiðlalögin staðfest

Eins og að spá fyrir um veðrið.

Það hefði alveg mátt lækka þessa stýrivexti eitthvað áfram enda ekki mikil þennslan í hagkerfinu hjá okkur þessi misserin! En að blanda ICESAVE inn í málið er heldur undarlegt enda lítið sem mun ske í því á næstunni, málið hefur verið "saltað" af okkar hálfu. Peningastefnunefnd kemur saman alloft ár hvert þannig að ef um breytingar til hins verra yrði þá gæti hún gripið til hækkana á vöxtum, en um slíkt er ekki að ræða í dag. Ljóst er þó að nefndin veit lítið um hvað tekur við á næstunni, enda er nefndin í góðum tengslum við hina úrræðalitlu Ríkisstjórn sem heldur við stjórnartaumanna hér á landi.

Stýrivextir óbreyttir

Elkem gefur tóninn fyrir það sem koma skal!

  Þetta er glæsilegt, og hlýtur að þýða að fyrirtæki með sambærilega afkomu af rekstri hljóta að fylgja á eftir.  Ef ASÍ og SA eru samkvæm sjálfum sér þá hljóta þessi öflugu samtök verkafólks og vinnuveitenda að geta komið sér saman um kjarabætur að sambærilegu tagi, annars eru þessi samtök til lítils fyrir fólkið í landinu.

Fá aukalega ein mánaðarlaun

Brown ofmetur sjálfan sig.

Blessaður maðurinn er genginn af vitinu virðist vera, að halda að hann geti stjórnað bákni á borð við AGS. Skynsamlegt að fá einvhern utan Evrópu til að halda utan um þennan sjóð.

Bresk stjórnvöld styðja ekki Brown

Skammtímasamningur fyrirsjáanlegur!

Framganga Samfylkingarinnar í málinu leiðir þetta af sér að skammtímasamningur er eina lausnin, á meðan þessi stjórn situr við völd!

Líkur á langtímasamningi minnka

Vinstri Grænir styðja ESB.

Þeir þingmenn sem eftir eru í VG. styðja greinilega innleiðingastörf Samfylkingarinnar inn í ESB. Það hefur komið bersýnilega í ljós undanfarið. Þeir VG. þingmenn sem farnir eru, fóru vegna andstöðunnar við ESB m.a. En restin ætlar greinilega að láta Samfylkinguna vaða yfir sig með innleiðingarferlið. Hvað gera menn jú ekki fyrir Ráðherrastólanna sína og formannsembættin í nefndum og ráðum!!

Hvað er að gerast hér?