Lokahönd lögð á "skattaóperuna" sem nú verður flutt á Alþingi!

   Ríkisstjórnin hefur nú lokið við að ganga frá nýjum og auknum skattaálögum sem landsmenn allir munu nú fá að njóta næstu misserin allavega!  Reynt verður að sjá til þess að enginn hola myndist sem laus verður við álögur af einhverju tagi.  Almenningur mun örugglega sitja í "álagafjötrum" næstu misserin.  Skattarnir munu án efa verða til þess að verðlag hækkar og vísitölur, um leið og aðrar hækkanir streyma fram á nýju ári eins og t.d. hækkanir frá tryggingafélögum, flugfélögum, stofnunum af ýmsu tagi o.s.frv.  Maður þarf að fara áratugi aftur í tímann til að rifja upp svona herlegheit...

Ríkisstjórnin afgreiddi skatta

Það er ljós í myrkrinu.

   Hinar sjúklegu fæðingarorlofsgreiðslur eru loksins að komast á skynsamlegt plan.  Í upphafi voru einstaklingar úr hægri og vinstri amri stjórnmálanna með í að koma þessu kerfi á, en nú eru þessar greiðslur orðnar miklu skynsamlegri en þær voru í upphafi, enda þetta orlofskerfi margbúið að sprynga!

Ætla að skerða greiðslur í fæðingarorlofi

Icesave og IMF lánið tengt saman!

   Manni sýnist nú sem svo að lán Alþjóðagjaldeyrissj. hafi verið veitt í ljósi þess að Icesave yrði loksins samþykkt, og því athyglisvert að sjá hvernig þetta endar.  Það er augljóst að titringur er hjá Samfylkingu með þetta mál!  Jóhanna og hennar lið hefur lagt mikið undir til að ná að klára málið fyrir hinar leiðandi þjóðir hjá IMF. þ.e. Breta og Hollendinga.

Sjálfstæðismenn: Forsetinn myndi hafna Icesave

Auðvitað á maðurinn skilið að fara í leikbann á HM.

   En auðvitað tekur alþjóðaknattspyrnusambandið það ekki í mál, enda Frakkar með góð ítök þar!

Henry: Ég notaði höndina viljandi

Mesti skandall sem sést hefur í fótbolta!

  Og þetta slær alveg út atvikinu með Maradonna á sínum tíma!  Maður verður hreinlega að hafa samúð með Írum, ótrúleg dómaramistök, og sýnir að það verður að gera breytingar á dómaragæslunni og nota myndavélar til að skera úr um svona uppákomur.  Verst var þó að sjá hvernig Henry brást við, en hann virtist ekkert vita af neinu!!

Frakkar komust á HM með ólöglegu marki

Boltinn er hjá Ríkisstjórn, en hvar er Ríkisstjórnin?

   Nú þegar allar líkur er á að kjarasamningum verði sagt upp, þá leggur Ríkisstjórnin á flótta.  Ríkisstjórn Íslands er nefnilega farin á Norðulandaþing, þar sem hún talar helst um ICESAVE og IMF.  Á meðan sitja leiðtogar SA og ASÍ og funda um hvernig hægt sé að "bjarga" kjarasamningum verkafólks í þessu landi, enda málin í algjöru uppnámi.  En það virðist vera svo að Jóhanna Sigurðar og Steingrímur J. telji Norðurlandaþing mikilvægari á þessum örlagatímum!  Þetta sýnir náttúrulega í raun hve langt þessir gömlu pólitíkusar hafa fjarlægst alþýðuna í landinu.  Þetta sýnir líka hvernig manneskjurnar breytast við langa setu á Alþingi Íslendinga.  Merkilegt í ljósi þess að þetta eru flokkar sem kenna sig við jafnræði og jafnrétti, en bera í raun ekki meira skynbragð til þess að huga að velferð verkafólks í þessu landi meira en svo að láta sig hverfa á Norðurlandaþing til að sýna að hér sé allt í góðu lagi heima fyrir!  Á meðan blæðir verkafólki út hægt og rólega!!

ps: Hvar er Norðulandaþingið haldið annars?!?  Það virðist ekkert vera hægt að finna um þetta á netinu, hvar fundurinn sé?? Greinilega ekkert merkilegt til að segja frá á þeim bæ!!

Það er þungt yfir

Fundað um "stríðsskaðabætur".

   Þá er það ákveðið, ríkisstjórnin kölluð til fundar hið snarasta til að samþykkja auknar skaðabætur til handa Hollendingum og Bretum.  Og greiðendur verða: Allir skattgreiðendur þessa lands.  Greinilegt að Evrópuviðræðurnar verða "rándýru" verði keyptar ef Samfylkingin fær ráðið í þessu máli.  Augljóst að troða skal á mannréttindum í þessu landi, dómstólar eiga ekki einu sinni að hafa nokkra þýðingu í þessum máli að mati Ríkisstjórnar.

Ríkisstjórnarfundur um Icesave

Ótrúlegt! ef rétt reynist.

   Það er ótrúlegt ef þjóðin á að taka á sig auknar byrðar í þessu máli!  Og ef semja á um að niðurstaða dómstóla eigi ekki að hafa neina þýðingu í málinu, það eigi bara semja upp á "nýtt".  Borgarar þessa lands sem ekki höfðu neina aðkomu að þessu fjármálahruni sem varð eiga að rétta Bretum og Hollendingum hjálparhönd, og verða við þeirri "fjárkúgun" sem þeir fara fram með gegn landsmönnum.  Ef þetta verður niðurstaðan, þá hljóta landsmenn að hugsa sinn gang með hverja þeir eru að styðja til valda í þessu landi.  Við bíðum og sjáum hverjir muni styðja þessar "stríðsskaðabætur" Breta og Hollendinga.

Icesave-fyrirvörum breytt

Verðbólga áfram í tveggja stafa tölu!

  Nokkuð ljóst er að verðbólga verður áfram há.   Miklar sveiflur eru á verðlagi hér á landi þessa mánuðina og ekkert að sjá að verðbólga muni lækka eitthvað meira að ráði.  Framundan eru ýmsar hækkanir frá hinu opinbera og skattahækkanir af einhverju tagi sem munu toga vísitöluna upp ásamt því að í framhaldi koma hækkanir á öðrum vörum og þjónustu.  Það mun þurfa meiri kreppu og samdrátt til að slá á verðbólguna hér á landi eins og svo oft áður.

Verðbólgan nú 10,8%

RÚV: Með Davíð á heilanum!

   Ríkisútvarp allra landsmanna heldur vart vatni yfir ráðningu Davíðs Oddssonar.  Í útvarpsfréttum mátti glöggt heyra að menn væru sjokkeraðir yfir ráðningu hans.  Ekki óeðlilegt út af fyrir sig, þar sem Ríkisútvarpið er meira og minna teymt af núverandi stjórnvöldum og greinilega ekki mikil gleði að vita af því að nú muni hinn þaulreyndi fyrrum stjórnmálamaður Davíð Oddsson lyfta upp penna endrum og eins og fjalla um það sem hæst ber í Íslensku þjóðlífi hverju sinni.  Eitt má þó segja í þessu sambandi, nú verður loksins eitthvað til að tala um á næstunni, ekki hefur mikið fréttnæmt verið að gerast hjá stjórnvöldum á síðustu mánuðum, það eitt er víst!

Davíð og Haraldur ritstjórar