Ráðherra segir eitt hér og annað þar!!

Er ekki nefnd starfandi í flokknum með þessi mál á sinni könnu, er Þorgerður að marka stefnuna hjá þessari nefnd, eða er þessi frétt Norðmanna röng!!?

Ekkert annað hægt en sækja um aðild

Áfram er spáð í óvissuna!

Áfram spáir Glitnir inn í framtíðina, hverjum þessar spár nýtast áttar maður sig ekki á, en það er um að gera fyrir Glitni að rýna inn í framtíðina eins og við öll þurfum að gera með einum eða öðrum hætti.  Í spá Glitnis kemur t.d. fram að stýrivextir haldist óbreyttir fram í mars á næsta ári og lækki svo hratt til ársloka. Þetta finnst manni vera nokkur bjartsýni, miðað við ástand mála hér á landi, evra og dollar hríðlækka til ársloka.  Spurning hvort Seðlabankinn kaupi þessa spá alveg, en Seðlabankinn hefur sagt að hann ætli að koma á genginu á rétt ról með tímanum, ekki  er ég viss um að þetta gangi eftir fyrir árslok 2009.  En það er eins og með veðrið, menn gera langtímaspár þótt þær gangi nú ekki alltaf eftir.

Verðbólgumarkmið mun nást 2010

Dýr kosningabarátta Clintons.

Já, greinilegt að Clinton hefur verið að hreinsa til hjá sér og viljað losna við ýmsa óþarfa hluti eins og þennan grip frá Forsetanum Íslenska og svo var nú kosningaslagurinn hjá henni dýr og eins gott að redda sér smá aur með því að selja gömlu gjafirnar sem safna bara annars ryki heima hjá henni.  Enda er hún líka verða Utanríkisráðherra og verður lítið heima á næstunni.  Ekki mun hann Bill standa í því að "dusta" rykið af styttunum hennar. 

Gjöf forseta til Hillary Clinton á Ebay

Ný Lágvöruverslun!

Í Silfri Egils var Jón Gerald (Vesturfari) í viðtali og þar kom fram að hann hygðist vilja opna Lágvöruverslun á Íslandi ef hann fengi til þess stuðning almennings og koma heim úr útlegðinni í henni Ameríku, ekki er nokkur spurning um annað en að almenningur fagni nýrri lágvörukeðju inn í landið.  Ekki er annað hægt en að henda sér út í djúpu laugina, ef maður ætlar sér að fara í Samkeppni við Baugsveldið mikla hér á landi, kannski er líka góður tími að verða í þeim efnum, Baugur er í sárum eftir það sem á undan er gengið og því kannski góður tími nú til að skella sér í slaginn!  Ég skora á fólk að skoða viðtalið við Jón í Silfrinu því hann hefur frá mörgu skemtilegu að segja þar um Baugsmenn og þróun mála eftir bankahrunið, m.a. vina og kunningjatenglsin sem til urðu með tilkomu nýju Ríkisbankanna sem risu upp úr öskustónni.

Sérleyfi eða Einkaleyfi.

Þetta er athyglisverð deila sem þarna er í gangi. Deilur tveggja aðila sem vilja stunda akstur milli tveggja staða óáreittir og án nokkurrar samkeppni.  Fyrir það fyrsta er það fáránlegt að stofnun eins og Vegagerðin skuli hafa með það að gera hver fái að á Þjóðvegum landsins, og svo hitt almennt, að fyrirtæki geti fengið sérleyfi til að aka fólki milli bæja.  Það sem gerir þetta svo enn skondnara, er þessi munur á Sérleyfi og Einkaleyfi.  Þarna eru greinilega deilur í gangi sem ættu að heita til fortíðar, en ættu ekki að þurfa að vera í gangi í því opna Samkeppnisþjóðfélagi sem við búum við í dag!  Hver er annars munurinn á Sérleyfi og Einkaleyfi í raun?

Ólögleg sérleyfi veitt Strætó?

Nefndin einblínir eingöngu á aðild að ESB!

Greinilegt er að Nefnd Ríkisstjórnar einblínir á aðild að ESB.  Enda verða menn eingöngu í viðræðum við fólk sem er hlynnt inngöngu, en lítill áhuga á að ræða við aðra! Þannig er það bara.  Þannig eru þeir viðræðuhópar sem skipaðir eru af pólitískum samtökum þessa dagana, umræðan verður "ósjálfrátt" mörkuð af þeirri umræðu, hvað þarf til að komast inn í ESB með sem minnstum skaða fyrir þjóðfélagið.  Það verður ekkert rætt um hvort eingöngu eigi að taka upp annan gjaldmiðil, sú umræða mun hverfa í þeirri umræðu um hvernig hægt sé að ganga inn í reglugerðarbáknið með sem minnstum skaða!

Umboð Evrópunefndar víkkað út

Öflug andkóf boðuð eftir jól!

Já, það er farið að fækka á Austurvelli svona rétt fyrir jólin!  Ákv. hefur verið að boða til kyrrðarstundar á Austurvelli á morgunn.  En eftir jólin ætlar liðið að mæta tvíeflt í slaginn þ.e. eftir timburmennina um áramótin.  Aðsókn hefur farið dvínandi undanfarið, enda fólk núna upptekið af því að mæta á aðrar samkomur t.a.m. verslunarmiðstöðvar af ýmsu tagi og fleira.  Framundar eru mikil Friðarjól þar sem gleði og hamingja mun ráða ríkjum.  Þannig að við óskum öllum bara öllum mótmælatrúuðum gleðilegra jóla!

Öflugt andóf boðað eftir jól

Já, öll þjóðin fer í Jólaköttinn!

Hækkun áfengisgjald er óumflýjanlegt, það er á hraðferð í gegnum þingið eins og mörg önnur mál þessa stundina.  Álögur á landann verða miklar á næstunni og allar fara þessar hækkanir beint inn í vísitöluna sem mun hækka lánin hjá almenningi strax í kjölfarið.  Þar með er búið að koma á kveðjuverkun í hækkunarferlinu.  Þessar hækkanir þýða svo aukið eftirlit hins opinbera á öllum innflutningi, því þetta mun án efa leiða til allskonar innflutnings smygls á næstunni og aukinna vandamála sem fylgja því að mismunur á verðlagi hér og í löndunum í kringum okkur mun aukast enn og aftur.  Það er jú alveg rétt að við erum að færast ansi mörg ár aftur í tímann með aðgerðum þessarar ríkisstjórnar, því miður verður það að viðurkennast.  SKATTAHÆKKANIR eru það síðasta sem þjóðin þarf á að halda í þessari stöðu!

Áfengisgjald hækkað

Og þá hækka skattarnir...

Þá er kominn tími til að  hækka skattana á ný að mati yfirvalda landsins.  Nefskattur Ríkismiðilsins, tekjuskattur, útsvarið og hvað meira á næstunni!!  Nú hljóta vinstri grænir að kætast, því þetta er alveg eftir bókinni hjá þeim.

Tekjuskattur og útsvar hækka

Skattbyrðin eykst hjá almenningi.

Ljóst er að þessi skattur er hrein aukning við þann skatt er við borgum í dag!  Nú munu allir borgarar þessa lands greiða hann framvegis, 17900kr. per haus á ári! Það þýðir a.m.k tvöfaldar greiðslur á við það sem rukkað var áður fyrir hvert heimili ef miðað er við hjón t.d. RÚV stóreykur tekjur sínar, en búast má við að þjónustan verði nú ekki mikið betri þrátt fyrir það, ekki frekar en fyrri daginn. 

Gjald vegna RÚV verður 17.900