Reglugerðarráðherrann!

Ekki við öðru að búast frá Ráðherra Umhverfismála.  Alls engar undanþágur til að liðka fyrir málum á krepputímum.  Þetta er dæmi um það sem við fáum kannski í framtíðinni þegar við verðum komin inn í ESB ef Samfylkingin fær ráðið þar um, engar ákvarðanir, nema eftir leiðum reglugerðarbáknsins. Ákvarðanir teknar seint eða helst aldrei.  Ráðherra vitnar í EES samninginn sér til varnar!  Hún neitar að líta til aðstæðna hér á ÍSLANDI!  Hún lítur undan þegar kreppir að hjá Íslenskum borgurum en lítur á málin með "gleraugum" Evrópusambandsins. 

Allt í fína á Bakka

Eðlilegt mál.

Það er jú eðlilegt að menn leiti skýringa á því hversvegna  ráðist var á Kaupþing af breskum stjórnvöldum! Og ekki að spyrja að því, að þegar menn fara af stað með svona, þá  beinist athyglin að íslenskum stjórnvöldum, en ólíklegt væri þó að íslensk stjórnvöld væru svona snögg með sín viðbrögð!  Eins og fólk tekur eftir, þá ganga hlutirnir frekar hægt hér á landi þessa dagana.  Stjórnvöld hér virðast ekki vera að flýta sér í sínum ákvörðum.  En við verðum að bíða enn um sinn og sjá hvert leiðir liggja.

Tengdir aðilar - ekki ríkið - leituðu lögfræðiaðstoðar

Egill fer hamförum!

Það var mikið loft í Sjónvarpsmanninum honum Agli í dag!  Hann bókstaflega saup hveljur í þættinum, maður vissi nú eiginlega ekki hvar þetta myndi enda.  Sp. hvað fæst út úr svona viðtölum eins og þessum? Orð standa gegn orðum í þessum efnum.  Tíminn verður að leiða í ljós hvernig málin fara að lokum. 

Jón Ásgeir: Fær ekkert út úr sölunni á Baugsfyrirtækjum

Mjög snúið mál.

Ekki einfalt, þetta mál með ICE SAVE.  Ekki gátum við Íslendingar haft eftirlit með útrásarmönnum í Bretlandi, það hlýtur að vera ljóst að það var þeirra í Bretlandi að fylgjast með þeim málum og vara þá fólk við því sem þeir voru að aðhafast þar, ekki er við okkur Íslendinga sem þjóð að sakast! Bretar grípa nú til örþrifaráða með því að benda á að ýmsar "góðgerðarstofnanir" hafi tapað miklum peningum, en ætli það sé nú ekki víðar en hjá þeim sem það hefur gerst!  Bretar leituðust nú einu sinni eftir því að fá útrásarmennina inn í landið til sín og ábyrgðin er því þeirra sjálfra í þessum efnum, ekki okkar!  Græðgin varð þeim að aldurtila, eins og með marga þessa dagana.

Viðræður við sendinefnd Breta

Alþjóðakrísan heldur áfram.

Enn halda markaðir áfram að lækka, ekki verið lægri vísitala Dow Jones í fimm ár.  En hvað þýðir þetta fyrir okkur hér, jú líklega það að svartsýnin eykst eitthvað meira hjá fjölmiðlamönnum og sumum hagfræðingum ásamt stjórnarandstöðunni og kannski sumum innan stjórnarinnar hér, og einnig honum Gordon Brown í Bretaveldi! Hann mun kannski finna nýrri úrræði og sterkari heldur en þessi varðandi hryðjuverkalögin, kannski fer hann hreinlega að beita sjálfum herlögunum, hvað veit maður?

Hrun á Wall Street

Varaformaður Samfylkingar hræðist sannleikann i málinu!

Mikill ótti virðist vera gripinn um sig hjá sumum innan Samfylkingar.  Að skipta um bankastjóra í Seðlabanka, leysir ekki lausafjárvandann  sem til staðar er á Íslandi eða annarstaðar.  Menn verða að róa sig niður og átta sig á stöðunni í þessum málum.  Það var ekki Seðlabankinn sem fór offari í útrás þjóðarinnar, aðrir menn bera ábyrgð á þeirri uppákomu og margir þeirra bera nú harm sinn í hljóði.  Við íslensk stjórnvöld eða Seðlabanka er ekki að sakast í þessu, þó kannski megi gagnrýna bankann og stjórvöld fyrir ýmislegt annað. Vandinn framundan er mikill, gæta verður þess að ríkið hlaupi nú ekki til og lofi of miklu upp í ermina á sér, hvað framtíðina varðar, hún verður að gæta þess að "ALLIR" fái jafnan stuðning, ef einvher verður. Ekki bara hinir skuldsettu.  Og að lokum þetta: Gordon Brown virðist vera búinn að missa vitið þarna úti.  Berst gegn herlausu Íslandi með HRYÐJUVERKALÖG í farteskinu!!  Enn ein vonlausa tilraun hans til að "flíkka" upp á fylgi sitt.

Talar ekki um Davíð

Skammsýni.

Hverjum yrði hagur í því að sjá alla þá sem draga ætti til ábyrgðar í þeirri kreppu sem nú dynur yfir veröldina sótta til saka! Svarið er ENGUM.  Þetta yrðu þá réttarhöldin endalausu sem stæðu líklega yfir mestan partinn af þessari öld.  Enginn myndi hagnast á þessu, nema þá lögfræðistéttin með einhverjum hætti, en hinn almenni skattborgari myndi fá að blæða enn meira fyrir vikið.  Femínistar ættu frekar að huga að þvi að koma með hugmyndir varðandi framtíðina og þá að hafa sig meira í frammi með að taka þátt í þeirri uppbyggingu sem framundan er.  Ef femínistar segjast geta gert betur, þá ættu þeir hinir sömu að koma út úr skápnum nú þegar, bretta upp ermar og sýna hvernig þeir geta komið Íslenskum skattgreiðendum til aðstoðar!

Krefjast þess að menn verði dregnir til ábyrgðar

Útvarp SAGA.

Merkilegt hvað Arnþrúður útvarpsstýra er heltekin af honum Davíð okkar í Seðlabankanum, hún hefur enn uppi samsæriskenningar varðandi Davíð og Jón Ásgeir.  Í morgun datt ég inn á að hlusta á hana Arnþrúði enn og aftur ræða samsæriskenningar.  Virðist nóg um samsæriskenningar á þessari útvarpstöð.  merkilegt hve áhrif Davíðs eru enn mikil í augum Arnþrúðar útvarpsstýru.  Nú á Gordon Brown forsætisráherra Breska heimsveldisins að hafa fengið slæman hiksta vegna  "Drottningarviðtals" sjónvarpsins við Davíð, eins og Arnþrúður vill meina og auk þess gerir hún lítið úr hinum knáa Sigmari viðtalsstjórnanda í Kastljósi, segir hann kunna ekki að taka viðtöl!  Slík var heiftin hjá útvarpsstýrunni í þessu að maður ætlaði að hún hætti ekki nema þá hún færi út í fylgd "manna í hvítum sloppum og í spennitreyju".  Maður spyr nú, hvað liggur að baki slíkum æsingi!!

Seðlabankinn grípur inn í.

Ánægjulegt að búið sé að taka af skarið í þessum málum og það núna af Seðlabankanum.  Að sjálfsögðu var ástandið komið út á tómar villigötur hvað gjaldeyrismálin varðar.  Eitt verður maður að segja á þessum tímum, eins gott að ekki sé stutt í kosningar á þessu landi, þá stæðu málin með öðrum hætti og hættulegri aðstæður í landinu. Það munar miklu að menn geti unnið úr þessum málum með ábyrgum hætti núna heldur enn að þurfa vera með rándýr kosningaloforð í farteskinu til að hygla sér og sínum!  Það er ekkert grín að takast á við þennan vanda sem landinn er í þessa dagana.  En eins og Davíð Seðlabankastjóri sagði í Kastljósi í gærkvöldi, þá mun landinn komast í gegnum þetta allt saman að lokum og við munum standa betur á eftir.  Ef einhver skildi ekki hafa skilið það sem Davíð sagði í Kastljósinu í gær, þá skora ég á þann aðila að hlusta aftur á það á netinu, það var kjarni málsins sem þar kom fram!

Seðlabanki miðar áfram við sama gengi

SKY NEWS fjallar um Ísland!

Alltaf gaman þegar erlendir fjölmiðlar fjalla um Ísland, það hefur Sky news gert nú vegna Ice save reikninga þar í landi.  Í stuttu máli: Reikningar þar eru tryggðir samkv. frétt upp að 50.000 pundum.  Fréttamaðurinn sagðist meira að segja hafa verið ráðlagt að fjárfesta í Íslenskum bönkum fyrir nokkrum misserum síðan, en segist nú eiginlega sjá eftir því!  eins og kom lauslega fram í lok viðtals sem hann átti við annan mann.  En skrítið þó að hann skuli hafa sagt þetta, því ekki er víst að hann komi nokkuð illa út úr þessu að lokum! En þetta sýnir þó stressið sem í gangi er þarna úti og hvað menn eru að gera mikið úr öllu sem á gengur! Kannski meir en ástæða er fyrir.

Lokað fyrir viðskipti áfram