Seðlabankinn treystir á að Ríkisstjórn komi á verulegum Skattahækkunum!

   Þetta er það sem Seðlabanki gerir ráð fyrir í áætlunum sínum.  Verðbólga hjaðnar hratt þessa dagana,  og svo virðist sem að Seðlabanki geri EKKI ráð fyrir að sjá nýjar hugmyndir frá Ríksstjórn hvað varðar nýjar arðvænlegar framkvæmdir hér á landi á næstunni, einungis stöðnun sé framundan að því er virðist, enda sýnist manni svo vera, enda ekki við öðru að búast frá núverandi valdhöfum í landinu og því eru þeir hjá Seðlabanka greinilega jafn vonlitlir um bjarta tíma á næstunni.  Þess vegna segja þeir einu lausnina á næstunni vera SKATTAHÆKKANIR!!!

Umtalsverð vaxtalækkun í júní

Sammála um að ná varanlegum stöðugleika í hagkerfi okkar.

  En spurning hvort slíkt verði mögulegt með þeirri Ríkisstjórn sem nú er verið að koma á koppinn!  Ljóst er að næsta Ríkisstjórn verður útgjaldafrek í meira lagi.  Svo þegar líður á næsta vetur, þá megum við búast við  kostnaðarhækkunum hjá hinu opinbera sem mun í framhaldinu verða til þess að hækka allar góðu Vísitölurnar okkar sem munu síðan verða til að hækka lán okkar, og svo koll af kolli.  Ekki getur maður haft mikla trú á verðbólguspám til lengri tíma með þá aðila við stjórn sem nú sitja!  Hver og einn landsmaður verður því að gera ráð fyirr hinu versta á næstunni og einungis vona það besta.  Fólk mun verða að vinna vel í að gera hreint fyrir sínum dyrum til að fá ekki annan skell á sig seinna meir með því einfaldlega að spara og greiða niður skuldir sem mest áður en næsta holskefla frá næstu stjórn skellur yfir okkur.  Þetta er eins og með veðrið, best að nota lognið á milli lægðana til að festa niður öll verðmæti og vera svo klár fyrir næsta illviðri.

Nýjan sáttmála um stöðugleika

Davíð segir mistök að hafa aðskilið FME og Seðlabanka!

      En á hinn bóginn hafi það verið gert vegna þeirra leiða sem farnar voru í Bretlandi undir stjórn Gordon Browns árið 1999.  Við þetta urðu báðar stofnanirnar nánast áhrifalausar gagnvart bankaútþennslunni.  Hann segir að á þeim tíma hafi menn orðið að fylgja fordæmum Breta, enginn hafi getað áttað sig á því hvað myndi gerast löngu síðar í fjármálageiranum um allan heim! Þá segir Davíð í greininni að hann hefði viljað að enginn gæti átt meira í bönkunum en átta prósent hlut, en erfitt hafi verið að halda aftur af mönnum, og það fólk sem skammast mest út í Davíð, hafi verið sama fólkið og á sínum tíma taldi að það væri ógjörningur að setja takmörk á eignarhald í bönkum. 

Davíð segist ætla að skrifa smásögur og planta trjám

Meiri eignaupptaka framundan hjá VG.

 Stefna VG er sú að í stað uppbyggingar eftir fjárhagshrunið í heiminum þá skal áfram haldið með eignaupptöku og nú meðal ALLRA  landsmanna og þá í framhaldinu skal skert enn meir fjárhagur heimilanna í landinu þegar til lengri tíma er litið.  Nú skal haldið úr öskunni í ELDINN!  Í því ástandi sem nú ríkir, þá vilja Vinstri Grænir ná þeim fáu aurum sem landsmenn reyna að halda í og líklega nota þá til að keyra upp samneysluna í þjóðfélaginu og styrkja gamla báknið sem menn hafa nú í áraraðir lagt mikið á sig til að vinna bug á.  Nú skal horft til fortíðar!!

Komið að skuldadögunum

Gera sjálfa sig upp!

Einhvern tíma sagði ein ágætis manneskja að Ísland væri "stórasta" land í heimi, en ekki er það svo þegar koma á til þess að finna embættismenn til að ganga í að gera upp stórfyrirtæki á við Baug.  Leita þarf til lögmanna sem þekkja vel til í "bransanum" og helst hafa átt viðskipti sjálfir við fyrirtækið!  Svo virðist eiga við um í þessu tilviki, erfitt hefur greinilega verið að finna óháða aðila til að sinna verkefninu.  Nú spyr maður? Hvernig verður með önnur fyrirtæki sem eiga hugsanlega eftir að "rúlla yfir um", verður sami háttur hafður á?  Er það í raun svo að lögfræðistéttin sé svo fámenn og hafi svo litla þekkingu á svona málum almennt að það þurfi að leita til aðila sem hafa starfað náið með hinu gjaldþrota fyrirtæki, til að hægt sé að klára málið? Svo virðist sem það sé skortur á fólki með þekkingu á þessum málum!

Víðtæk tengsl við Baug

Allt stopp!

  Það er allt stopp á meðan þessi Ríkisstjórn er við völd, ljóst er að menn vilja ekki ræðast við því að vitað er að ekki er möguleiki að ræða innkomu Ríkisstjórnarinnar að kjaramálum þessa dagana.  Þess vegna verður lítið aðhafst í kjaramálum á næstunni.  SA og ASÍ er ljóst að bíða verður eftir því að stjórnarkreppunni ljúki,  greinilegt að menn sjá að lítið verður úr verki hjá þeirri Ríkisstjórn sem nú stýrir landinu.

Sjá ekki ástæðu til að svara

Símaleikurinn.

   Þetta er sérstök uppákoma sem á sér stað í þessu máli.  Þarna koma inn fulltrúar Samkeppniseftirlits sem síðan sjá sér ekki fært að uppfylla skyldur sínar sem fulltrúar í stjórn vegna sóðaskapar í viðskiptum stjórnarinnar (meirihlutans).  Teymis samsteypan er náttúrulega sérstakt fyrirbrigði sem langt mál mætti hafa um, en þeirra hagsmunir eru bara að vernda eigur sínar og allt eðlilegt í því sambandi, hitt er sérstakt að fyrst  Samkeppnisstofnun er búin að blanda sér í málið, þá hlýtur það að vera skylda þeirra að fylgja málinu eftir en ekki "gefast" upp, en það virðist vera raunin í þessu máli.  Teymis liðið hlýtur að fagna því að eftirlitið sé horfið á braut og Talsmenn geta áfram unnið sína vinnu undir vökulum augum Vodafones og Teymis, svona er bara "bissnisin" á Íslandi.  Augljóslega finnst manni sem Tal sé haldið gangandi til að koma í veg fyrir að önnur "lággjalda" símafyrirtæki nái fótfestu.  Þetta er auðvitað pólitík útaf fyrir sig!

„Aldrei kynnst eins miklum viðskiptasóðaskap"

Alþingi skeri á hnútinn með Þingsályktun.

   Það hik sem komið hefur á Vinstri græna í hvalamáli setur ákvörðun Einars K. í uppnám.  Því er það eðlilegt að fá úr þessu skorið með atkvæðagreiðslu á Alþingi og ekki vanþörf á!  Steingrímur og hans lið í Vinstri grænum stjórna þessa dagana eins og þeir séu í meirihlutastjórn en ekki minnihluta. Það er öllum ljóst sem hlustað hafa á Steingrím varðandi þetta mál, þá vill hann með öllum mætti,  tefja það í lengstu lög að hafnar verði veiðar í sumar á hval.  Með þessari tillögu á Alþingi skulum við vona að það verði tekin af öll tvímæli í þessum efnum og vinstri grænir hlýti vilja þess.

36 þingmenn vilja hvalveiðar

Gáleysi hverra?

   Fundur á Akureyri þar sem spjallað verður um hverjir hafa framið landráð af gáleysi.  Þetta er umræðuefni sem menn munu seint geta hætt að ræða um, ætli þetta umræðuefni verði ekki eins og með kvótaumræðuna, menn munu seint koma sér saman um niðurstöðu með hvernig hátta eigi með fjármál fólks í þessu landi, hverjum er um að kenna o.s.frv.   Þeir sem tóku þátt í þeirri fjármálabólu sem gekk yfir heiminn verða nú að horfa í þær afleiðingar og taka þeim.  Við Íslendingar tókum þátt í þessu af fullum krafti.  Hér á landi var gósentíðin svo mikil að fólk "blindaðist" af öllu saman og gáleysið hjá okkur keyrði fólk fram af brúninni, margir hverjir héldu að "bólan" myndi aldrei springa!  Meira að segja helstu sérfræðingar í fjármálum Íslendinga trúðu á endalausa uppsveiflu og fylgdu "útrásarvikingum" í blindni sinni út í ystu æsar! 

Borgarafundur á Akureyri í dag

Frumvarp með hraði!

   Nú er keyrt í gegnum þingið frumvarpi með hraði.  Slík vinnubrögð eru talin eðlileg af núverandi stjórn.  Menn eru greinilega fljótir að gleyma því þegar stjórnarandstaðan kvartaði í sífellu hér áður að verið væri að henda málum í gegn, vanhugsuðum og illa ræddum málum!  Nú gera vinstri flokkarnir einmitt það sem þeir hafa helst gagnrýnt í gegnum tíðina og það með enn meiri hraða, nánast keyrt í gegn með "hraðlest".  Athyglistvert þetta með Jóhönnu og það að hún skuli vinna að málum gegn eigin samvisku eins og það að virða sjálfstæði Seðlabankans.  Greinilega verið að gera hosur sínar grænar (eða rauðar)  fyrir kjósendum sínu.

Hörð gagnrýni á seðlabankafrumvarp