Fátt sem kemur á óvart í könnun.

   Þetta er það sem fólk hefur getað séð fyrir.  Fátt sem kemur á óvart í þessari könnun.  Greinilegt að verðmunur er mestur þar sem mest samkeppni er og lítill á öðrum vörum eins og mjólkurvörum. 

Mikill verðmunur í verslunum

Kreppuáróður.

  Hvílíkt ástand sem er að verða hér á landi, nú á að hafa vit fyrir fólki hvað drykkjuvenjur varðar.  Þessi fréttaskýring sem einhliða fjallar um rökin fyrir þessum skatti er bersýnilega til þess gerð að réttlæta nýja skatta á almenning og vísun á aukin útgjöld heimila í landinu í formi hærra verðs og hærri verðbólgu með hækkun á neysluvísitölunni sem dæmi.  Athyglisvert  að í fréttaskýringu er enginn áhugi á að ræða við talsmenn framleiðenda þessara vara eða annarra sem starfa við framleiðslu eða sölu á þessum vörum, það er nú nefnilega svo að ýmsar aðrar vörur valda heilsubresti hjá fólki eins og til að mynda feitar kjötvörur og svo dettur mér nú eitt í hug, hvort ekki eigi að skattleggja ódýran skófatnað , því sumt fólk á það til að kaupa "ódýra" skó frekar en dýra og þar með oftast skó í lélegri gæðum sem  oft á tíðum veldur því að með tímanum fær fólk ýmsa kvilla í bakið og lappirnar vegna þess sem skófræðingar segja að sé vegna lélegs skófatnaðs!  Þetta væri náttúrulega eitthvað fyrir þessa stjórn landsins að athuga.  Dýrir vandaðir skór eru oftast hollari fyrir einstaklinga og sparar heilbrigðiskerfinu helling af pening.  Svona mætti lengi telja áfram og lengi finna fleiri rök fyrir auknar álögum á hinar ýmsu neysluvörur landans.  Íslensk alþýða getur lengi á sig þyrnum bætt!

Hitaeiningasnautt gos sykurskattlagt?

Sjálfstæðismenn leggja sínar tillögur fram!

   Samkvæmt þessari frétt virðast Sjálfstæðismenn tilbúnir með sínar tillögur í Efnahagsmálum, og forvitnilegt að fylgjast með á næstu dögum hvernig menn bregðast við.  Þetta virðast raunhæfar tillögur við fyrstu sýn og vonandi að menn líti á þær almennt með jákvæðum augum.  Ljóst er að Sjálfstæðismenn ætla ekki að liggja á liði sínu við að færa fram hugm. um endurreisn bankakerfisins og efnhag þjóðarinnar í heild!  Vonum svo að Alþingi geti nú komið sér saman um að vinna þessi mál áfram í sátt, því þau eru brýn og nú liggur á að allir leggist á eitt við að koma málum í réttan farveg.

Sjálfstæðisflokkurinn leggur fram efnahagstillögur

Réttmæt krafa!

   Hlýtur að vera réttmæt krafa um að málið verði til lykta leitt fyrir dómstólum, en ekki einfaldlega samið í blindni við erlend stjórnvöld um þær skuldir sem sköpuðust  við fjármálahrunið síðastliðið haust.  Ljóst er þó að Safmfylkingin sem leiðir Vinstri græna í málinu við hafa hraða á til að geta haldið áfram með ESB inngönguferlið, ESB er sett ofar hagsmunum Íslands í þessu máli.  Einnig virðist sem við höfum ekki náð miklu út úr þessum "nauðungasamningum".

Margir skrá sig gegn Icesave

Ríkisábyrgð!

  svo virðist sem verið sé að veita Ríkisábyrgð á greiðslu lána vegna gamla Landsbankans og eigna hans erlendis.  Ljóst er að þetta verður þungur baggi á Ríkissjóði seinna meir.  Athyglisvert að stjórnarflokkarnir skuli hafa komið sér saman um þessa niðurstöðu, erfitt að gera sér þó grein fyrir smáatriðum í þessu máli enn sem komið er, en greinilegt að allt er gert til að kaupa sér frið gagnvart þessum ESB löndum.

Gengið frá samkomulaginu í gærkvöldi

Verðbólga 2,5% í byrjun næsta árs!?!

  Verðbólgumarkmið Seðlabankans 2.5% í byrjun næsta árs eru dágóð bjartsýni miðað við hvað er framundan í verðlagsmálum hér á landi.  Hækkanir á hækkanir ofan eru það sem koma skal á næstu mánuðum, svo ekki sé nú talað um alla stóru hækkana póstana sem við fáum yfir okkur frá hinu opinbera um næstu áramót!  Allar hækkanir á næstunni fara beint í vísitöluútreikningana og valda þ.a.l. hækkun á verðbólgu.  Eins og áður hefur verið sagt er ekkert í spilunum sem sýnir fram á aðhald í ríkisrekstri á næstu misserum, öllu verður "skvett" út í verðlagið.   Athyglisvert verður að heyra í forsvarsmönnum ASÍ og SA eftir þessa síðustu ákvörðun Seðlabankans!

Slaknað á peningalegu aðhaldi

Áframhaldandi vísitöluhækkanir.

   Ljóst er að hækkanir streyma inn sem aldrei áður,  framundan eru skattahækkanir eins og t.d. sykurskattur og grænir skattar á eldsneyti og fl. Gengi mun áfram vera lágt sem þýðir frekari hækkanir á innfluttum vörum og einnig innlendum sem byggjast á erlendum hráefnum, þannig að við eigum eingöngu eftir að sjá til lengri tíma litið hækkanir á vísitölum og þar með hækkunum á lánum heimila og þar fram eftir götum!  Svo má fastlega gera ráð fyrir hækkunum hjá opinberum stofnunum og Sveitarfélögum þegar líða tekur á næsta haust og vetur, þannig að betra er að gera ráð fyrir hinu versta á næstu mánuðum, ekkert er í pípunum hjá stjórnvöldum aðrar en skammtíma bráðaaðgerðir.  Eina lausnin á næstu misserum er að liðka til fyrir fyrirtækjum stórum og smáum og hvetja til arðbærðra verkefna með ívilnunum á sköttum og til að fá erlenda fjárfesta til að halda áfram fjárfestingum hér á landi með ýmsum stórframkvæmdum í iðnaði og þjónustu.  Það sem skortir nú eru nýjir frumkvöðlar með nýjar hugmyndir.  Vandséð verður þó að þeir finnist á næstunni, undir þeim kringumstæðum sem nú ríkja hér og í ljósi þeirrar pólitískrar stefnu sem þjóðin ætlar að fylgja á næstunni.

Grænmeti og ávextir lækka

Jóhanna bjargar helginni!

   Ljóst er að búið er að bjarga helginni fyrir landann!  Partí um allann bæ o.s.frv.  Þetta eigum við Jóhönnu og hennar liði að þakka, maður sér fyrir sér örtraðir í verslunum fyrir helgina og þeir í "Ríkinu" þurfa að gera ráðstafanir vegna aukinnar sölu þar sem annarstaðar.  Nú verður helgin tekin með "TRUKKI".

Ísland komið áfram

Engin festa í sáttmála nýrrar Ríkisstjórnar.

   Það er alveg ljóst að ekki nokkur festa er í hinum nýja sáttmála Ríkisstjórnarinnar sem kynnt var í dag.  Svo virðist sem taka eigi málunum einfaldlega eftir því hvernig þó þróast frá degi til dags.  Ekki nokkra lausn er á því að finna hvernig efla eigi arðbæra atvinnustarfsemi í landinu næstu misserin.  Þetta hlýtur að vera forgangsmál að finna lausn á slíkum málum, nú þegar fyrirtækin í landinu fara að gefa upp öndina hvert á fætur öðru.  Formaður vinstri grænna gefur loforð um að draga eigi úr Ríkisútgjöldum svo um munar á næstunni en veit það sjálfur fyrir víst að hann sjálfur fær engu ráðið um það, þar sem flokkur hans stendur fyrir allt annað en sparnað í Ríkisgeiranum.  Ljóst er hinsvegar að landinu verður stjórnað að mestu af AGS (alþjóða gjaldeysissj.) næstu mánuði og vegna krafna frá þeim sjóði munu stjórnvöld þurfa að einhverju leyti uppfylla kröfur frá honum, en það verður ekki gert vegna frumkvæðis frá Ríkisstjórninni heldur vegna krafna AGS.  Og þetta mál með ESB er hreinn brandari hvernig það á að verða afgreitt!! 

Ætla að treysta á andstöðuna

Dagurinn tekinn snemma hjá VG.

   Já, þeir funda snemma á Sunnudagsmorgni hjá VG, annað en hjá Samfylkingu sem bíður fram til hádegis, spurning hvort flokksráð VG þurfi meiri tíma í umræður hjá sér um málið en hjá Samfylkingarfólki.  Á þeim bæ er málið afgreitt hratt af formanni þess flokks.  Athyglisvert verður að fylgjast með aðgerðum þessarar nýju stjórnar í atvinnumálum.  Hvernig til mun takast að koma atvinnulífinu í gang svo eftir verði tekið.  Það er helst í þeim málaflokki sem maður óttast að þessi nýja stjórn muni "feilpústa" hvað mest í ! 

Flokksráð VG þingar