Hið eina rétta!

Án efa er þetta sú besta lausn sem gæti orðið á málum Reykvíkinga og skapað ró og vinnufrið í Ráðhúsinu næstu misserin.  Framsókn gerir rétt með þessu að ganga til samstarfs við Sjálfstæðismenn, hefði annars orðið undir í samstarfi við gamla R-lista liðið og lítt áberandi, þetta verður án efa til þess að styrkja framsóknarmenn í Reykjavík til lengri tíma og ekki veitir þeim af.  Hef grun um að Óskar muni styrkja sig mjög innan framsóknarflokks með þessum gjörningi.

Hanna Birna og Óskar á fundi

Athugasemdir

[Steingrímur Jónsson (IP-tala skráð) 14.8.2008 kl. 21:55]

Skapa ró og vinnufriið í ráðhúsinu? 

Hvað bendir til þess?

Fyrsti meirihluti Sjálfstæðisflokksins sprakk eftir að það kom upp ágreiningur INNAN Sjálfstæðisflokksins sem þeir ákváðu að leysa með því að einhliða ákvörðun þvert á það sem hafði verið ákveðið með Binga!

Síðan var skrifaður alveg skotheldur málefnasamningur sem hélt ekki betur en svo að það var "djúpstæður ágreiningur um stór málefni" og þó það megi segja margt um Ólaf F þá var það ekki hann sem vék frá málefnasamningnum skothelda!

Það má líka segja margt um Vilhjálmur Þ. Vilhjálmsson, en hann hefur þó það orð á sér að hann gæti látið hlutina ganga ljúft.  Aðferðin sem núverandi oddviti lýsti svo snilldarlega á tröppunum fyrir utan heimili Vilhjálms var að  það sé "hægt að leysa ágreining ef samstarfsmaðurinn væri til í að fallast á sjónarmið Sjálfstæðisflokksins"

Miðað viða að hæfileikar núverandi oddvita sjálfstæðisflokksins miðast við hvað hún er góð að slá í bjöllu að þá er ekki skrítið að fyrsti meirihlutinn hennar hafi fallið rétt um mánuði eftir að hún tók við starfinu....