Enn ein vitleysan í rekstri strætó.

Strætó er orðið eitt mesta "skrípa" fyrirbærið í þessari borg! Hver tilraunin rekur aðra í rekstri þessa fyrirbæris sem strætó bs. er.  Borgin hendir peningum í þennan rekstur ásamt nágrannasveitum í kring, enginn framtíðarplön eru til um þennan rekstur annar en sá að prófa áfram með kostnaðarsamar tilraunir af ýmsu tagi, eins og að knýja vagnana áfram með hinum og þessum nýju orkugjöfum, veita frítt í strætó fyrir valinn hóp fólks í borginni og jafnvel víðar, prófa ýmsar nýjar leiðir í akstri, svo hinn almenni borgari nái nú örugglega "ekki áttum" með hvert hann stefnir með strætó ef hann tekur hann allt í einu einn daginn, og nú vilja menn "þjóðnýta" vagnana með því að gefa jafnvel öllum ungmennum landsins frítt í strætó! Og Landsbyggðin grípur þetta á lofti með því að svara "takk fyrir" en þið í borginni skuluð sjá um að kosta börnin okkar í og úr skóla!  Og "for helvedet! eins og einn landsbyggðar bæjarstjórinn á að hafa sagt samkv. fréttinni!! 

Segja þvert nei við kostnaði

Enginn veit hvað átt hefur fyrr en misst hefur!

Það er  þetta með  hvað varðar áhættufíklana.  Davíð Oddsson hafði allt það sem segja þurfti um málið um í viðtali við stöð 2.  Þar kom "mergur málsins" fram!   

Áhættufíklar sendir í meðferð

Afspyrnuslakir Skotar sigra dauðþreytta Íslendinga!

Það vantaði alla hreyfingu í Íslenska liðið í leiknum, eins og menn væru ekki með á nótunum, stórum stundum í leiknum!  Oft rúllaði 'boltinn' framhjá leikmönnum án þess að menn reyndu að ná honum...

Skotar unnu nauman sigur

Ekki þarf mikið til!

Ekki myndu svona mistök geta gerst á hinum trausta íslenska fjármálamarkaði!!?!!

Gömul frétt olli hruni á hlutabréfaverði

Athyglisvert!

Gott hjá flugumferðarstjórum að styðja við bakið á Ljósmæðrum.  Nú eru laun flugumferðarstjóra að minnsta kosti helmingi hærri en laun ljósmæðra og miðað við þá ábyrgð sem felst í starfi ljósmæðra, sem ekki er nú minni en ábyrgð flugumferðarstjóra, þá hljóta þeir að berjast með ljósmæðrum fyrir því að laun ljósmæðra hækki til samræmis við laun flugumferðarstjóra! Eða þá að þeir lækki sín laun til að liðka megi til fyrir samningum við ljósmæður! Flugumferðarstjórar virðast vera tilbúnir að fórna miklu fyrir þennan góða málstað sem er gott mál. Með tilfærslu fjármuna úr flugumferðarstjórn til ljósmæðra þá þarf ríkissjóður ekki að greiða mikið úr sínum sjóði.  Vona bara að aðrar vel settar ríkisstéttir álykti a sama veg og flugumferðarstjórar. 

Flugumferðarstjórar styðja ljósmæður

Hver var kostnaður R-listans við þessa tilraun?

Þetta var bara eitt dæmi um tilraunaverkefni R-listans á þessum tíma! Ekki kemur fram í fréttinni hver kostnaður borgarbúa var af þessu verkefni!  Og ekki lærðum við mikið af þessari tilraun!  Það á ekki að vera í verkahring borgarinnar að sinna verkefnum sem þessum og það fyrir svo fáa sem nýta sér þjónustu sem þessa eins og við þekkjum öll hvað varðar strætó.  Þetta varð hvorki "smart" né "snjallt" hjá vinstrimönnum í borginni frekar en annað sem þeir hafa tekið sér fyrir hendur í gegnum tíðina! Einungis baggi á borgarbúum.  Vonum að vitleysu sem þessari sé nú lokið!

Smartkortakerfið klúðraðist

Hið eina rétta!

Án efa er þetta sú besta lausn sem gæti orðið á málum Reykvíkinga og skapað ró og vinnufrið í Ráðhúsinu næstu misserin.  Framsókn gerir rétt með þessu að ganga til samstarfs við Sjálfstæðismenn, hefði annars orðið undir í samstarfi við gamla R-lista liðið og lítt áberandi, þetta verður án efa til þess að styrkja framsóknarmenn í Reykjavík til lengri tíma og ekki veitir þeim af.  Hef grun um að Óskar muni styrkja sig mjög innan framsóknarflokks með þessum gjörningi.

Hanna Birna og Óskar á fundi

Hverjir eiga að ráða málum sínum?

Það virðist sem Þórunn Sveinbjarnardóttir (umhverfisráðherra) vilji hafa allt með orku og auðlindamál að gera og færa allt vald í þeim til sín!  Rétt eins og þeim sé best komið þar!  Það er skondið með Samfylkinguna, að hún virðist bæði vilja halda og sleppa þegar kemur til ákv. töku í virkjanamálum sem dæmi?  Ef við ætlum að halda uppi hagvexti hér næstu misserin, þá verður ekki hægt að hlaupa á eftir "duttlungum" einstakra ráðherra.  Nóg er nú vald Umhverfisráðherra orðið nú þegar!  Ef lyfta á skóflu til að stinga niður einvherstaðar á landinu, þá þarf leyfi Umhverfisráðherra!  Þetta vald á að sjálfsögðu að vera í höndum Íbúanna á hverjum stað, enda geri ég ráð fyrir að það sé það sem landsmenn vilji! 

Harðari tónn í garð samstarfsflokksins

Já, hvað myndi Jón Sig. segja!?!

Ræða Geirs Haarde, var sumpart athyglisverð, en þó líka nokkuð hefðbundin þjóðhátíðarræða að venju.  Athygli vakti þó að hann minntist á orð forseta alþingis í Jónshúsi í köben, þar sem hann hélt ræðu fyrir nokkru, er hann spurði hver myndi vera afstaða Jóns Sigurðssonar til aðildar að Evrópusambandinu.  Ekki fást svör við því frá Jóni á næstunni eins og gefur að skilja!  En líklega er nú gefið í skyn að svarið lyggi í loftinu.  Og nokkuð ljóst að ekki væru menn að berjast fyrir frelsi þjóðarinnar með ráð og dáð til þess eins að gangast síðan undir hæl annarra þjóða í Evrópu með framsali á áunnum réttindum okkar í gegnum tíðina!  Við minnumst þess í dag að við erum bara búin að vera frjáls þjóð í rúm 60. ár. Og frelsisbaráttan er enn í gangi, það er auðvelt að glata lýðræðinu á altari Evrópusambandsins.  Við höfum séð lýðræði komast á víða í heiminum, en einnig tapast hjá mörgum í gegnum tíðina.  Sagan er full af þessum atburðum.  Stöndum því vörð um okkar lýðræði áfram sem endranær.  Gleðilega Þjóðhátíð.

Forsætisráðherra bjartsýnn

Sko! Sagði ég ekki.

Já, eins og ég sagði, þá grípa menn inn í þessa atburðarás með þeim hætti sem ég talaði um.  Að sjálfsögðu eigum við að fá menn inn í þetta sem bera hug til þessa máls, í þessu tilfelli eru Björgúlfur og félagar tilbúnir í þetta mál sem annars gæti orðið hið vandræðalegasta fyrir stjórnvöld.  Vonum bara að þetta leysist farsællega!

 

 

Novator vill greiða fyrir björgun ísbjarnar