Hillary vonast eftir embætti hjá Obama.

Nú þegar Hillary er búinn að tæma kosningasjóð sinn og rúmlega það, ákveður hún að gefast loksins upp fyrir Obama.  Á þrjóskunni hélt hún áfram að berjast gegn honum, þangað til nú, þegar hún sá að hún var farinn að skemma fyrir flokknum í heild.  Nú lofar hún að berjast við hlið hans gegn Mc Cain. og um leið vonar hún líklega að geta náð upp í þær milljóna dollara skuldir sem hún hefur sankað að sér undanfarnar vikur og mánuði.  En líklega bjargast þetta allt, enda virðast þau hafa ákveðið nú þegar með framtíðina á fundi sem þau áttu saman.  Hvort um ráðherraembætti er að ræða eða varaforseta verður spennandi að fylgjast með.  Með baráttuni í haust verður án efa fróðlegt að fylgjast með! 

Obama hrósar Hillary Clinton

Kemur ekki á óvart!

Það er ekkert sem kemur manni á óvart í þessari frétt, við þessu mátti búast.  Það mátti búast við að samdráttur yrði mikill hér, eftir þá miklu uppsveiflu sem verið hefur síðustu ár.  En nú reynir á ríkisstjórnina að sýna hvað í henni býr!  Hvernig bregst hún við næstu mánuði og misseri.  Seðlabankinn virðist vera að vinna vel í sínum málum, hvað varðar að verja stöðu krónunnar og stöðu peningamála hér á landi.  En nú þurfa stjórnvöld að sýna hvernig við getum nýtt okkur það mikla góðæri sem verið hefur undanfarin ár, til að mæta þeirri "kreppu" sem nú er skollin á. En eins og stjórnvöld hafa sagt á síðustu misserum,  þá eigum við að vera í betri stöðu en aðrar þjóðir til að takast á við niðursveifluna. Trompin í spilunum eru á borðum stjórnvalda!! 

Samdrætti spáð í einkaneyslu

Nýr skattur frá ríkisstjórn í haust!

Í haust á að leggja fram nýtt skattafrumvarp um hækkun eldsneytisskatts á almenning, sem að sjálfsögðu hefur áhrif á lánsvísitölur til hækkunar og fl.  Þessi skattur er kominn til að vera! Það er alveg ljóst að þessi skattur er að kröfu SAMFYLKINGARINNAR og er  sérstakt áhugamál EVRÓPUSAMBANDSRÁÐHERRA okkar Þórunnar Sveinbjarnardóttur (umhverfisráðherra). Í miðri olíukreppunni virðist mönnum eina lausnin að "hækka skatta".  Eins og þeir séu ekki nógir fyrir?  Ástæðan sem gefin er fyrir er að það þurfi að "REFSA" eigendum bensínháka fyrir að keyra á sínum eyðslufreku farartækjum!!  Nú spyr maður: Er ekki búið að refsa nóg, þarf nýja skatta? Er eina lausnin að herma eftir nágrönnum okkar og skattpína borgarana?  Ætlum við virkilega að hverfa áratugi aftur í tímann í þessum efnum?  Þetta arfavitlausa frumvarp hefur engin meiri áhrif á eigendur bensínháka í dag, en hið háa eldsneytisverð hefur nú þegar.  Það mun hinsvegar hafa mikil áhrif á hinn almenna borgara í þessu landi til skemmri tíma og lengri!  Það verður að hafa í huga að almennt er talað um að eldsneytisverð hækki um a.m.k. 5kr. til að byrja með.  Svo virðist sem þetta sé bara einn af mörgum  nýjum óbeinum umhverfissköttum sem Samfylkingingunni bráðligggur á að koma á.  Er þetta bara byrjunin á skattafárinu...

Bensínhákar óseljanlegir?

Siglt hraðbyri í rétta átt!

Ekki að spyrja að þeim í Seðlabankanum, koma alltaf á óvart! Davíð og félagar skreppa í heimsókn til Norðurlanda og koma svo heim með loforð frá nágrönnum okkar um að kaupa krónur í milljarða tali!  Svona gerast kaupin.  Og með eingöngu loforð upp á vasann, þá ríkur gengi krónunnar upp og bensínverðið fellur, verðbréfin upp o.s.frv.  Nú bíðum við bara og sjáum hvort matarverðið fari ekki að lækka líka!! Ég segi nú bara, þvi ekki að senda Davíð víðar í Víking og semja um sölu krónunnar víðar.  Enn semsagt hið besta mál!!!

 

Fyrsti þáttur í lengra ferli

Lýsandi fyrir stöðuna á fasteignamarkaðinum!

Það er jú kannski viðeigandi að lýsa ástandinu hér á landi og með þessum hætti, allt á hverfandi hveli eða hvað!?!

Húsi sökkt í Tjörnina

Efasemdarráðherrann.

Það verður nú að segjast með þennan ráðherra að það er fátt sem honum er kært hvað varðar atvinnu og uppbyggingarstarf í þessu landi.  Þessi ráðherra hefur efasemdir með hvað sem gert er í landi þessu.  Kemur svo sem ekki á óvart enda er hann (ráðherrann), örugglega búinn að stimpla sig inn,  í starfinu sem vinstri sinnaðasti ráðherran í ríkisstjórninni, má segja alveg frá fyrsta degi.  En svona er það nú, við virðumst alltaf verða að hafa einn efasemdarráðherra í hverri ríkistjórn, svo hægt sé að gera öllum til geðs, og passa upp á að vinstri grænir hljóti nú ekki öll atkvæði efasemdarmanna í þjóðfélaginu. Þessi ráðherra er líka vel þjálfaður í skrifræðinu og kann að teygja og beygja lagareglur Evrópubáknsins til innleiðingar hér uppi á Íslandi og mun áreiðanlega vera dugleg áfram til slíks næstu misserin...

Efast um réttmæti leyfisins

Alveg Dagsatt hjá Degi!

Já hann hittir alveg naglann á höfuðið með þetta hann Dagur B. Það er með ólíkindum að það eigi að spandera allt að milljarði í þessa "skókassa" á Laugaveginum og svo verður þetta meira að segja fordæmi fyrir því sem á eftir kemur í þessum miðbæ okkar.  En það er þó skrýtið að Dagur skuli hneykslast á þessu  öllu því hann og hans fólk í Samfylkingu vildi að Þjóðin öll spanderaði í þessa hjalla á Laugaveginum með því að koma málinu í hendur Þorgerðar Katrínar Mennta og menningarráðherra!  Samfylking var ekkert með aðra stefnu í þessu, Samfylking var bara svo "heppin" að losna við að taka ákv. i þessu máli eins og flestum örðum erfiðum málum sem hún hefur fengið til meðferðar.  Annars er sorglegt hvernig komið er fyrir þessum miðbæ okkar, virðist ætla að verða minna og minna eftirsóttur af borgarbúum, nema um helgar á kvöldin, og við einstakar uppákomur eins og skrúðgöngur og þess háttar þegar fólk gengur niður Laugaveginn, annars virðist öll verslun vera horfin úr miðbænum og aðeins þeir sterkefnuðustu sem hafa efni á að þrauka enn um sinn þarna niður frá.

 

Segir borgarsjóð tapa hálfum milljarði á Laugavegshúsum

Aðeins um fyrirvarana í samningum!

Verkalýðshreyfingin stendur nú í kjaraviðræðum og hægt gengur.  Það er nú orðin skoðun margra í dag að hún sé orðin veik og máttlaus í baráttumálum sínum.  En ef hún ætlar á annað borð að semja, (sem er sp. hvort vit sé í að gera yfir höfuð þessa dagana eins og málum er háttað í þjóðfélaginu í dag), þá getur varla verið nokkurt vit í að semja til langs tíma, vegna þess ástands sem uppi er hjá hinu opinbera. Þá á ég við að ekkert er á að treysta á þeim bænum hvað varðar kjarasamninga í haust sem þá hefjast hjá þeim, því það er ljóst að opinberi geirinn ætlar sér að bjarga málum, með ríflegum kjarabótum í haust þegar almennir kjarasamningar eru frágengnir.  Besti kosturinn á almenna markaðnum er að semja til styttri tíma, meðan ástandið er ótryggt hjá hinu opinbera!.  Hið opinbera ber líka mikla ábyrgð, og ekki nóg að hinn almenni markaður sé varkár, ef hið opinbera opnar svo allar flóðgáttir strax á eftir.  En ég vona þó  að verkalýðshreyfingin sé þó enn með lífsmarki og fylgist með þessum málum fyrir umbjóðendur sína og hafi nóg af fyrirvörum í samningum sínum gagnvart ríki og sveitarfélögum.

Átelja ríkisstjórnina vegna kjaraviðræðna

Umhverfissinnar seint ánægðir!

Það er ekki að spyrja að umhverfissinnum, alltaf finna þeir agnúa á öllum nýjungum, nú eru það smábílar sem þeir ráðast gegn.  Smábílar eiga að koma í stað bifhjóla sem eru mörg í henni Asíu.  Einhvern tíma hefðu umhverfissinnar fagnað nýjungum sem þessum, en nú segja þeir stopp! Það er ekki sama hvar smábílarnir eru settir niður að þeirra mati, hin fátæki almúgi í þessum löndum á ekki að fá tækifæri að ferðast með öruggari hætti en þeir hafa gert hingað til, heldur vilja umhverfissinnar að þetta fátæka fólk ferðist áfram á skellinöðrum og öðru þvílíku.  Umferðin er vandamál þarna að mati umhverfissinna.  En mætti ekki halda því fram að meiri áhersla verði lögð á að laga þessi umferðamál þá í framtíðinni með aukinni smábílaeign!  Verður þetta ekki til þess að stjórnvöld þarna fái aukinn þrýsting í þeim efnum að laga samgöngukerfið, sem er nú víst ekki gott þarna?  Ætli yfirvöld liggi ekki á því að gera nokkuð vegna lítils þrýstings frá skellinöðrueigendum og fleirum sem dæmi.  Hvenær koma annars þessir bílar til Íslands...

Ekki hrifnir af ódýrum bíl

Enn um Sundabrautina!

Það er þetta með Sundabrautina aftur, að það lítur út fyrir að við landsmenn fáum ekki að líta hana fullbúna fyrr en við (eða allavega ég) höfum náð háum aldri, eða svo lítur út fyrir.  Þessi framkv. (sem ekki er hafin ennþá) er orðin að einni skömmustulegu samgönguframkv. Íslandssögunnar.  Það er búið að kosta tugum ef ekki hundruðum milljóna í rannsóknir á þessari framkvæmd undanfarinn áratug eða meira, en ekkert gerist.  Allan þennan tíma hefur þessi framkv. verið í höndum gamla R. listans í  Reykjavík, og svo nokkra mánuði í höndum Sjálfst.manna og svo aftur nú í hendur hins nýja R. lista og ekkert gerist og ekkert "mun" gerast á næstunni, boltanum bara kastað á milli borgar og ríkisins", og vegargerðin er þarna á milli!!  Svona getur þetta gengið áfram næstu árin.  En eitt virðist þó vera meir og meir í umræðunni, þ.e. leiðirnar sem menn vilja fara.  Í upphafi var talað um ódýra leið, þar sem ríkið var tilbúið að greiða mestan hlutann,  en nú mörgum árum síðar eru embættismenn og stjórnmálamenn farnir að tala um miklu, miklu dýrari leiðir sem munu kosta borgarbúa og jafnvel landsmenn líka margfalda þá milljarða sem í upphafi var talað um.  Oft hefur verið talað um  "fleesing of America" ef ég man rétt, þ.e. í Bandaríkjunum, en þar hefur þessi umræða oft komið upp í sambandi við þegar hið opinbera er að eyða í hluti sem aldrei munu koma borgurum til góða.  Þ.e.a.s. "tapaðir aurar" , og þeir eru orðnir ansi miklir í þessu máli af ýmsum ástæðum, m.a. hagrænum.  En nú kasta þeir boltanum á milli sín flokksfélagarnir Herra Borgarstjóri og  hæstvirtur samgönguráðherra og deila um hver tefji, og Vegamálastjóri situr á milli og horfir á.  En hann verður nú líklega löngu hættur þegar eitthvað gerist...