Ný Lágvöruverslun!

Í Silfri Egils var Jón Gerald (Vesturfari) í viðtali og þar kom fram að hann hygðist vilja opna Lágvöruverslun á Íslandi ef hann fengi til þess stuðning almennings og koma heim úr útlegðinni í henni Ameríku, ekki er nokkur spurning um annað en að almenningur fagni nýrri lágvörukeðju inn í landið.  Ekki er annað hægt en að henda sér út í djúpu laugina, ef maður ætlar sér að fara í Samkeppni við Baugsveldið mikla hér á landi, kannski er líka góður tími að verða í þeim efnum, Baugur er í sárum eftir það sem á undan er gengið og því kannski góður tími nú til að skella sér í slaginn!  Ég skora á fólk að skoða viðtalið við Jón í Silfrinu því hann hefur frá mörgu skemtilegu að segja þar um Baugsmenn og þróun mála eftir bankahrunið, m.a. vina og kunningjatenglsin sem til urðu með tilkomu nýju Ríkisbankanna sem risu upp úr öskustónni.

BARCELONA SIGUR!

Já, loks góðar fréttir í miðri kreppunni, Barcelona vann kærkominn sigur á REAL MADRID! Þetta eru náttúrulega góðar fréttir fyrir mig og aðra stuðningsmenn "BARCA".  Greinilegt að liðið er á góðri siglingu í Spænsku deildinni og sigurinn styrkir þeirra stöðu á toppnum.  Íslenski "gulldrengurinn" var í byrjunarliðinu og kom nokkuð vel frá leiknum, Þjálfarinn virtist allavega vera sáttur með hann eins og sjá mátti í beinni útsendingu frá leiknum.  Mörkin komu þó þegar langt var liðið á leikinn, og hreint frábært að sjá hvað MESSI virðist alltaf skila sínu vel í öllum leikjum, hann vex alltaf meir og meir í áliti hjá manni, svo sendir maður náttúrulega öllum MADRIDINGUM samúðarkveðjur, annað er nú ekki hægt!!

Barcelona vann risaslaginn, 2:0

Skattbyrðin eykst hjá almenningi.

Ljóst er að þessi skattur er hrein aukning við þann skatt er við borgum í dag!  Nú munu allir borgarar þessa lands greiða hann framvegis, 17900kr. per haus á ári! Það þýðir a.m.k tvöfaldar greiðslur á við það sem rukkað var áður fyrir hvert heimili ef miðað er við hjón t.d. RÚV stóreykur tekjur sínar, en búast má við að þjónustan verði nú ekki mikið betri þrátt fyrir það, ekki frekar en fyrri daginn. 

Gjald vegna RÚV verður 17.900

Fréttamenn þjarma að stjórnvöldum.

Nú er blásið til sóknar hjá fréttamönnum ríkisins.  Þeir harma niðurskurð í þeirri deild fyrirtækisins sem þeir starfa í.  Ekki hafa þeir nokkrar áhyggjur af störfum annarra á stofnuninni, en þeir hafa jú vopnin í sínum höndum þ.e. tækin og tólin til að messa yfir landslýð um mikilvægi þeirra starfa umfram annarra fréttamanna á öðrum miðlum landsins, sem hafa þurft að ganga í gegnum svipaðar hremmingar á þessum samdráttartímum.  Með yfirlýsingu sinni beina þeir vopnum sínum að stjórnvöldum og þingmönnum og líklega má búast við að einhverjir þingmenn falli fyrir þessu og heimti utandagskrárumræðu um málið á þingi fljótlega.  Ekki getum við "hinir almennu borgarar" krafist svipaðra aðgerða að hálfu stjórnvalda þegar þrengir að hjá okkur!

Aðför að fréttastofunni

Að sjálfsögðu út af auglýsingamarkaðnum!

Það eru gleðitíðindi að vita að Ríkisútvarpið hverfi út af þessum markaði, enda á það ekki heima þar.  Tími til kominn að virkja hina frjálsu fjólmiðlana í landinu, búast má þó við andstöðu þegar kemur til umræðu á Alþingi, enda margir gamlir þingmenn sem tárast ætíð yfir fréttum er varða breytingar á gamla RÚV. 

RÚV af auglýsingamarkaði

Palli hlær að Samkeppnisstofnun!

Og það skiljanlega, Samkeppnisstofnun er máttlaus, Það er sama hvað hún ályktar líkt og aðrar stofnanir þessa lands, allar falla þær (ályktanirnar)  um sjálfa sig!  Lítið sem ekkert er aðhafst í málum, enda lagaumhverfi þannig háttað að allir geta teygt og togið á lagaákvæðum sem fara á eftir.  Nú er líka tími lögfræðinganna að renna upp.  Nú er hátíð framundan hjá þeim, nóg að gera framundan í þeim "bransanum".  Hann Palli talar um einn aðila með yfirburðarstöðu á augl. markaði, og á þá við líklega stöð 2. og co.  Hann virðist ekki hugsa mikið til Skjás eins, sem fjöldi fólks þessa lands horfir til!  Sú stöð veitir "ókeypis" sjónvarpsefni til fólks, og á aukinni velgengni að fagna, og það á þessum tímum, þegar þrengir að í þjóðfélaginu.  Spurningin er hvort hann Palli sé ekki að styðja við 365. miðla með ummælum sínum...

RÚV ekki brotið gegn samkeppnislögum

Skjár einn leitar eftir stuðningi almennings.

Skjár einn hefur sett í gang undirskriftarsöfnum til að ýta á eftir því að Þorgerður Katrín og Ríkisstjórn Íslands leiðrétti skakka samkeppnisstöðu á auglýsingamarkaði og tryggi veru frjálsra fjölmiðla á ÍSLANDI.  Þetta er jú sjálfsögð krafa frá þessari framsæknu sjónvarpsstöð sem hefur náð að gleðja alla landsmenn með einum eða öðrum hætti, nema kannski dyggustu stuðningsmenn Ríkisútvarpsins, sem flestir eru í eldri kantinum skiljanlega.  Ríkisútvarpið er ágætt út af fyrir sig, gallinn á því er þó að það nær ekki að fylgja þessum tíðaranda eftir, sem er svosem allt í lagi líka.  En við verðum þó að halda þessum hlutum aðgreindum og leyfa nýjum hugmyndum að dafna og vaxa í samkeppnisumhverfi, þessum markmiðum verður ekki náð með því að "fórna" nýgræðingunum í því efnahagsástandi sem við förum nú í gegnum.  Við eigum að sameinast í að verja þá frumkvöðlastarsemi sem byggð hefur verið upp og hjálpa til við að verja þá.  Nú stendur það upp á Ríkið að grípa inn í og veita fjölmiðlum það frelsi að fá að keppa innbyrðis á jafnréttisgrundvelli eins og t.d. auglýsingamarkaði.  Annars hverfum við hratt áratugi aftur í tímann í fjölmiðlaþróuninni og verðum með aðeins: EINA RÍKISRÁS, EINA AUGLÝSINGASTOFU, EINA FRÉTTASTOFU, o.s.frv.

Verið að segja 45 starfsmönnum upp á Skjá einum

Varaformaður Samfylkingar hræðist sannleikann i málinu!

Mikill ótti virðist vera gripinn um sig hjá sumum innan Samfylkingar.  Að skipta um bankastjóra í Seðlabanka, leysir ekki lausafjárvandann  sem til staðar er á Íslandi eða annarstaðar.  Menn verða að róa sig niður og átta sig á stöðunni í þessum málum.  Það var ekki Seðlabankinn sem fór offari í útrás þjóðarinnar, aðrir menn bera ábyrgð á þeirri uppákomu og margir þeirra bera nú harm sinn í hljóði.  Við íslensk stjórnvöld eða Seðlabanka er ekki að sakast í þessu, þó kannski megi gagnrýna bankann og stjórvöld fyrir ýmislegt annað. Vandinn framundan er mikill, gæta verður þess að ríkið hlaupi nú ekki til og lofi of miklu upp í ermina á sér, hvað framtíðina varðar, hún verður að gæta þess að "ALLIR" fái jafnan stuðning, ef einvher verður. Ekki bara hinir skuldsettu.  Og að lokum þetta: Gordon Brown virðist vera búinn að missa vitið þarna úti.  Berst gegn herlausu Íslandi með HRYÐJUVERKALÖG í farteskinu!!  Enn ein vonlausa tilraun hans til að "flíkka" upp á fylgi sitt.

Talar ekki um Davíð

Útvarp SAGA.

Merkilegt hvað Arnþrúður útvarpsstýra er heltekin af honum Davíð okkar í Seðlabankanum, hún hefur enn uppi samsæriskenningar varðandi Davíð og Jón Ásgeir.  Í morgun datt ég inn á að hlusta á hana Arnþrúði enn og aftur ræða samsæriskenningar.  Virðist nóg um samsæriskenningar á þessari útvarpstöð.  merkilegt hve áhrif Davíðs eru enn mikil í augum Arnþrúðar útvarpsstýru.  Nú á Gordon Brown forsætisráherra Breska heimsveldisins að hafa fengið slæman hiksta vegna  "Drottningarviðtals" sjónvarpsins við Davíð, eins og Arnþrúður vill meina og auk þess gerir hún lítið úr hinum knáa Sigmari viðtalsstjórnanda í Kastljósi, segir hann kunna ekki að taka viðtöl!  Slík var heiftin hjá útvarpsstýrunni í þessu að maður ætlaði að hún hætti ekki nema þá hún færi út í fylgd "manna í hvítum sloppum og í spennitreyju".  Maður spyr nú, hvað liggur að baki slíkum æsingi!!

Afspyrnuslakir Skotar sigra dauðþreytta Íslendinga!

Það vantaði alla hreyfingu í Íslenska liðið í leiknum, eins og menn væru ekki með á nótunum, stórum stundum í leiknum!  Oft rúllaði 'boltinn' framhjá leikmönnum án þess að menn reyndu að ná honum...

Skotar unnu nauman sigur