Í hverju felst sú barátta?

   Að draga saman í Ríkisrekstri, til að mynda í heilbrigðisgeiranum og öðrum Ráðuneytum eins og Utanríkisráðuneyti t.d.  Ekki er svo að sjá að mikill gangur sé í þeim málum á þeim bæjum.  Ekki miklar hagræðingar sem eru í pípunum þar t.d. sameiningar og fleira slíkt!  Svo virðist sem menn sópi öllu undir teppið og ætli að reyna enn meir að ná til baka einhverju með auknum sköttum á þá sem lítið eiga eftir hvort eð er.  Við munum þurfa að bíða enn meir eftir aðgerðum sem eiga að taka á vandanum sem Steingrímur J. talar svo mikið um.  Ekki verður það allavega  í formi einvherra tillagagna hvað varðar atvinnuuppbyggingu að einvherju tagi, það er ljóst, allavega ekki með erlendu fjármagni til að mynda í stóriðnaði, enda Vinstri grænir á móti öllu slíku eins og við vitum öll.

Hörkubarátta framundan

Steingrímur: Ólánsmál sem lenti í höndunum okkar (ICESAVE).

   Steingrímur vill losna við þetta mál út af borðinu með sem einföldustum hætti, þótt það feli í sér mikinn fórnarkostnað!  Steingrímur vill greinilega sem minnst með svona utanríkismál að gera í sínu Ráðuneyti.  Hann vill frekar sinna skattahækkunarmálum hér innanlands.  Dæmigert fyrir Vinstri Græna að vilja öll erfið mál sem varða samskipti við erlendar þjóðir sem mest út af borðinu!  Þótt það kosti miklar fórnir bæði hvað varðar að skuldbinda þjóðina um þúsundir milljarða eða þá að gefa eftir gagnvart Samfylkingu hvað varðar ESB inngöngu!?!  Þetta "ólánsmál" Steingríms ICESAVE, á eftir að verða þungur baggi fyrir þjóðina seinna meir verði það samþykkt.  Hin leiðin að leyfa Bretum að fara í mál verður þó allavega ekki dýrara en hin leiðin, það er ljóst.  Dómstólaleiðin tekur mörg ár og margt mun koma í ljós í þeim Réttarhöldum sem mun án efa gefa okkur meiri von um að við þurfum ekki að punga út þvílíkum fjármunum á við það sem mun þurfa að greiða ef við samþykkjum.  Og gleymum því ekki að Innistæðutryggingasjóður er ekki það sama og Ríkisábyrgð, það eitt segir okkur að Íslenska þjóðin er í nokkuð góðri stöðu í þessu máli.  Máltæki segir: Þú tryggir ekki eftir á!  En nú vill Ríkið koma því á að maður geti jú tryggt eftir á!?!?

EES-samningurinn var í húfi

Kemur svo sannarlega ekki á óvart!

    Kemur ekki á óvart að formenn stjórnarflokkanna þori ekki að mæta Davíð í Þættinum í kvöld, eins og ég ritaði í morgun þá gerði ég ekki ráð fyrir háttsettum stjórnarliðum í þáttinn í kvöld.  Sú Ríkisstjórn sem nú situr gerir allt til að kæfa niður þetta mál sem reynist greinilega samstarfinu þungt í skauti.     Á  meðan keyrir stjórnin í gegnum þingið ályktuninni um að ganga til viðræðna ESB um inngöngu, en þar þarf stjórnin á liðhlaupum úr öðrum flokkum að halda! Stjórnin þarf líka að reiða sig á liðhlaupa úr öðrum flokknum til að fá ICESAVE málinu framgegnt á þingi!  Ekki nema von að formenn flokkanna hlaupi í felur þegar ræða á málin fjölmiðlamenn (aðra en þá sem eru hliðhollir stjórninni eins og t.d. RÚV).

Davíð í Málefninu í kvöld

Icesave málið á dagskránni á skjánum.

    Á skjá einum verður þáttur á dagskrá í kvöld um Icesave málið.  Samkvæmt vefmiðlinum Pressunni verður þátturinn í samstarfi við Morgunblaðíð.  Gestir verða Davíð Oddsson og fulltrúar frá öllum stjórnmálaflokkum þ.e. ef þeir þora yfir höfuð að senda einhverja.  Búast má við að erfitt reynist að fá einhverja hátt setta flokksmenn frá VG og Samfylkingu, þar sem málið er á dagskrá þingsins einmitt þessa dagana og málið mjög viðkvæmt fyrir þessa flokka.  Athyglisverður þáttur engu að síður og ljóst að margir munu fylgjast grannt með!

Varnarsamstarfið mikilvægt.

   Þetta atvik sem önnur sýnir að varnarsamstarf vestrænna þjóða er mjög mikilvægt enn í dag þrátt fyrir að friður ríki.  Athyglisvert er hve langur tími líður frá því að atviki á sér stað og Varnarmálastofnun flytur fréttir af því!  Er það svo að Varnarmálastofnun fær svona seint að vita af atvikum sem þessum eða er stofnunin svona lengi að greina málsatvik af þessu tagi, að hún getur ekki fjallað opinberlega um það fyrr en tæpum hálfum mánuði síðar?

Rússneskar sprengjuflugvélar á ferð 16. júní

Nova heiðrar konung poppsins.

   Það er gaman að sjá hvað menn brugðust hratt við hjá sjónvarpstöðinni NOVA með að heiðra Michael Jackson með fjölmörgum af myndböndum hans í sjónvarpinu í kvöld.  Margar sjónvarpsstöðvar um allan heim hafa verið uppfullar með uppryfjun frá ævi þessa mikla poppara síðustu áratuga.  Ríkissjónvarpið reyndi að heiðra þennan poppara með smá upprifjun í umfjöllun í Kastljósi í kvöld, en eins og Ríkissjónvarpinu er von og vísa í þeim efnum þá klúðraðist sú upprifjun með eftirminnilegum hætti þannig að pistill sá fór veg allrar veraldar og missti marks þar sem inn í pistilinn um goðið skutust inn myndbrot úr auglýsingum við og við.  Það verður að segjast að þessi pistill og afkynningin á eftir voru heldur stutt og snubbótt ef þannig má að orði komast!  Ekki var reynt að bæta fyrir þetta með nokkrum hætti nema með smá afsökun á eftir,  betur hefði verið að þulur kynnti að pistillinn yrði endurtekinn síðar til að mynda!  Jackson var merkilegur "karakter" og hafði mikil áhrif fólk af minni kynslóð hér áður fyrr, og  sannarlega umdeildur karakter í seinni tíð þó. Ekki býst maður þó við að Ríkisútvarpið eigi mikið eftir að rifja upp hans ævi sérstaklega, enda eru hlustendur þeirrar stöðva flestir komnir yfir fimmtugt eða sextugt  þ.e. rás 1 og rás 2.  Jackson var hvað vinsælastur á áttunda áratugnum og því má búast við lítilli umfjöllun frá "hippunum" á Ríkisútvarpinu nema einhver stórbreyting verði á? Greinilegt er þó að Jackson er genginn í endurnýjun "lífdaga" ef marka má viðtökur á vinsældarsölulistum úti í heimi!  Og kannski megum við búast við einhverju meiru frá þessum eðal poppara á næstunni, því eitthvað virðist vera til að óútkomnu efni frá honum!!  Maður getur þó haldið í vonina.

 

Hvað breyttist hjá Ríkinu?

     Ekki er neitt í þessari frétt að heyra um hvað breytti afstöðu hjá opinberum starfsmönnum, var sæst á meiri skattahækkanir eða meiri niðurskurð hjá hinu opinbera?  Athyglisvert að fylgjast með þegar þetta verður opinberað.

Sáttmáli undirritaður á morgun

Þessi kann að græða á kreppunni!

   Já, hún er snjöll hún Eva, eða hvað hún heitir nú með réttu?  Hún er komin í sannkallaða útrás í miðri kreppunni og tekur að sér verkefni um allan heim!  þessi Norðmaður hefur lagst í sannkallaðan Víking.  Hún sankar að sér verkefnum sem aldrei fyrr, og ætlar sér að ráða við öll herlegheitin með einföldum hætti:  Með aðstoð fjölmiðla!  Hún virðist ætla að hafa nóg með að gera að halda fyrirlestra og koma fram í viðtölum við blaðamenn vítt og breitt um veröldina og ætlar sér að stunda kennslu í leiðinni og allt gerir hún þetta eins og að drekka vatn!!  Á meðan verðum við hér uppi á skerinu að bíða og bíða eftir að sjá eitthvað af verkum hennar verða að raunveruleika  í þeim eltingarleik sem hún ætlar að eiga við hina útrásarvikingana sem liggja nú á "baðströndum" með Romm og Tequilla.  Ég get séð fyrir mér myndina "CATCH ME IF YOU CAN", í þessu sambandi!  Athyglisvert verður að fylgjast  með hvar Evu ber næst niður í Aldingarðinum.  Nægar eru freistingarnar þessa dagana, og hún á erfitt með að hafna verkefnum og viðtölum, en það hefur nú ekkert með athyglissýki þó að gera!?

Eva Joly: Botninum ekki náð

Gott framtak!

   Ágæt hugmynd en ekki í fyrsta sinn sem svona er gert.  Sjálfstæðismenn hafa gert þetta áður en í öðrum tilgangi.  Gott að fólk sjái hvernig þessi mál geti þróast á næstunni  og geti séð það myndrænt.

Icesave-skuldaklukka

Hvað skal segja?1?

    Hann hefur nokkuið til sín máls!  Svo virðist sem Íslendingar séu að semja af sér í þessum samningjum.  Eitt er víst að formaður Framsóknar halar inn atkvæði með sínum síðustu ummælum.  Spennandi að fylgjjast með framvindu mála á næstunni...

Miðstjórn Framsóknar: Þingmenn styðji ekki Icesave samninginn